Προβολή Τραγουδιού
Ο εφτωχόν ο άνθρωπον |
Α’έρτςΣτιχουργοί: Γιώργος Μαυρίδης
Συνθέτες: Κυριάκος Παπαδόπουλος
Καλλιτέχνες: Γιώργος Ατματσίδης, Γιώργος Δημητριάδης
Παρά σα χ̌έρι͜α σ’ όντες έ͜εις οι φίλοι σ’ περισσεύ’νε Αν έν’ η τσ̌όπι͜α σ’ εύκαιρον το όνομα σ’ ’κι ξέρ’νε Αδά σον κόσμον άκ’σον με, γιαβρί μ’ Όλ’ την παράν τερούνε τον εφτωχόν τον άνθρωπον καμίαν ’κι αγαπούνε Όσον ξοδεύ’ς και φά͜εις ατ’ς-ε το ψ̌όπο σ’ ’κι χαλάν’νε Τ’ αφώτιστα τελείντανε ντ’ εποίκες ανασπάλλ’νε Αδά σον κόσμον άκ’σον με, γιαβρί μ’ Όλ’ την παράν τερούνε τον εφτωχόν τον άνθρωπον καμίαν ’κι αγαπούνε Παρά σα χ̌έρι͜α σ’ όντες έ͜εις κρασίν σην υεία σ’ πίν’νε Ξοδεύ’ς ατά κι ολόερα σ’, πουλόπο μ’, κανείς ’κ’ είναι Αδά σον κόσμον άκ’σον με, γιαβρί μ’ Όλ’ την παράν τερούνε τον εφτωχόν τον άνθρωπον καμίαν ’κι αγαπούνε Αδά σον κόσμον άκ’σον με, γιαβρί μ’ Όλ’ την παράν τερούνε τον εφτωχόν τον άνθρωπον καμίαν ’κι αγαπούνε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| άκ’σον | (προστ.) άκουσε | ||
| ανασπάλλ’νε | ξεχνούν | ||
| ατά | αυτά | ||
| ατ’ς | αυτής, της | ||
| γιαβρί | μωρό, μικρό, παιδί | yavru | |
| έ͜εις | έχεις | ||
| έν’ | είναι | ||
| εποίκες | έκανες, έφτιαξες | ποιέω-ῶ | |
| εύκαιρον | (ουδ.) άδειο, αδειανό, (αρσ.) ανόητο, κουφιοκέφαλο | ||
| εφτωχόν | φτωχό | ||
| ’κ’ | δεν | οὐκί<οὐχί | |
| καμίαν | ποτέ | ||
| ’κι | δεν | οὐκί<οὐχί | |
| ξέρ’νε | ξέρουν, γνωρίζουν | ||
| όλ’ | όλοι/α | ||
| ολόερα | ολόγυρα | ||
| όντες | όταν | ||
| παρά | λεφτά, το χρήμα | para/pāre | |
| παράν | λεφτά, το χρήμα | para/pāre | |
| πίν’νε | πίνουν | ||
| πουλόπο | πουλάκι | ||
| τελείντανε | (αμτβ.) τελειώνουν, εξαντλούνται, μτφ. πεθαίνουν | ||
| τερούνε | κοιτούν | ||
| τσ̌όπι͜α | τσέπη | cep/ceyb | |
| υεία | υγεία | ||
| φά͜εις | ταΐζεις | ||
| χαλάν’νε | χαλούν, καταστρέφουν | ||
| ψ̌όπο | ψυχούλα |
