Ποντιακός Στίχος

Προβολή Τραγουδιού

Ο πατέρα μ’ ψυχομαχ̌εί

Α’έρτςΑ’έρτς

Στιχουργοί: Γιώργος Δημητριάδης

Συνθέτες: Γιώργος Δημητριάδης

Καλλιτέχνες: Γιώργος Δημητριάδης


Ο πατέρα μ’, μάνα,
αχ! ψυχομαχ̌εί
Κούξον όλι͜α τα παιδία τ’
για να παίρ’νε ευχ̌ήν

Όσον πάει, μανίτσα μ’, έρ’ται,
άγγελος σουμών’
Φεύ’ ο κύρη μ’ ας σον κόσμον
με παράπονον

Μάνα, κλείδωσον την πόρταν,
τα παράθυρα
Κι αν αραεύ’ τον πατέρα μ’,
πέει πως ’κ’ έν’ αδά!

Πέει πως ’κ’ έν’ αδά ο κύρη μ’
κι άλλο μ’ αναμέν’
Κι ας σ’ εμέτερον τη στράταν
άλλο μη δι͜αβαίν’

Ο πατέρα μ’, μάνα,
αχ! ψυχομαχ̌εί
Πέει με, πώς να δίγ’ ατον
ολίγον ζωήν;

Όσον πάει, μανίτσα μ’, έρ’ται,
άγγελος σουμών’
Ο Θεόν ’κ’ ελέπ’ ντό νέος
έν’ ο κύρ’ τ’ εμόν;
Γλωσσάρι
ΚείμενοΕπεξήγησηΕτυμ. ΡίζαΠροέλευση
αδάεδώ
αναμέν’περιμένει
αραεύ’ψάχνω/ει, αναζητώ/άει, γυρεύω/ει aramak
ας σ’(ας σου) από του, από τότε που/αφότου, (ας σο) από το/τα
δι͜αβαίν’(για τόπο) περνάει/ώ, διασχίζει/ω, (για χρόνο) περνάει/ώ διαβαίνω
δίγ’δίνω
ελέπ’βλέπει/βλέπω
εμέτερονδικός/ή/ό μου
εμόνδικός/ή/ό μου ἐμοῦ
έν’είναι
έρ’ταιέρχεται
’κ’δεν ουκί<οὐχί
κλείδωσονκλείδωσε (προστ.)
κούξονκάλεσε, φώναξε (προστ.)
κύρ’πατέρα
παιδίαπαιδιά
παίρ’νεπαίρνουν
πέειπες (προστ.)
σουμών’σιμώνει, πλησιάζει
φεύ’φεύγει
ψυχομαχ̌είψυχομαχεί, χαροπαλεύει

Ποντιακός Στίχος - Pontian Lyrics 2024

Τραγούδια: 7967 | Albums/Singles: 1194 | Συντελεστές: 1575 | Λήμματα: 13448
Επικοινωνία: infoDUMMY@pontianlyrics.gr