Έναν κι έναν ’φτάνε δύο

Προβολή Τραγουδιού

Καλλιτέχνες: Γιώργος Ατματσίδης, Γιώργος Δημητριάδης

Έναν κι έναν ’φτάνε δύο,
πουλί μ’, να εξέρτς
Με την εμορφία σ’ μόνον
τ’ όνομα μ’ ’κι παίρτς

Λόγον δεύτερον ’κι λέγω,
άκ’σον με καλά
Αν ευτάς εγώ ντο θέλω
ν’ απομέντς αδά

Παλληκάρ’ είμαι -ν- εγώ
και εξέρω ν’ αγαπώ
Μαϊσσουλούκια αν ευτάς
ση κυρού σ’ οπίσ’ θα πας

Έναν κι έναν ’φτάνε δύο,
νούντσον ντό θα λες
Ντως τη γλώσσα σ’ σ’ αχουλόπο σ’
να μη πουσ̌μανεύ’ς

Λόγον δεύτερον ’κι λέγω,
άκ’σον με καλά
Αν ευτάς εγώ ντο θέλω
ν’ απομέντς αδά

Παλληκάρ’ είμαι -ν- εγώ
και εξέρω ν’ αγαπώ
Μαϊσσουλούκια αν ευτάς
ση κυρού σ’ οπίσ’ θα πας/να πας

Έναν κι έναν ’φτάνε δύο,
τρία μετ’ εσέν
Οικογένειαν θ’ ευτάμε,
μασχαρείαν ’κ’ έν’

Λόγον δεύτερον ’κι λέγω,
άκ’σον με καλά
Αν ευτάς εγώ ντο θέλω
ν’ απομέντς αδά

Παλληκάρ’ είμαι -ν- εγώ
και εξέρω ν’ αγαπώ
Μαϊσσουλούκια αν ευτάς
ση κυρού σ’ οπίσ’ να πας

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
άκ’σον	(προστ.) άκουσε
απομέντς	απομένεις
αχουλόπο	μυαλουδάκι	akıl/ʿaḳl
εμορφία	ομορφιά
έν’	είναι
εξέρτς	ξέρεις, γνωρίζεις
ευτάμε	κάνουμε, φτιάχνουμε	εὐθειάζω
ευτάς	κάνεις, φτιάχνεις	εὐθειάζω
’κ’	δεν	οὐκί<οὐχί
’κι	δεν	οὐκί<οὐχί
κυρού	πατέρα
μαϊσσουλούκια	μαγικά τεχνάσματα, μαγγανείες
μασχαρείαν	αστείο, αστεϊσμός	maskara/masḫara
μετ’	μαζί με (με αιτιατική), με (τρόπος)
νούντσον	(προστ.) σκέψου
ντως	(προστ.) χτύπα
οπίσ’	πίσω
παίρτς	παίρνεις
πουσ̌μανεύ’ς	μετανιώνεις	pişman olmak<paşmān
’φτάνε	(ευτάνε) κάνουν, φτιάχνουν	εὐθειάζω

Σημειώσεις

Ακούγεται να λέει μαϊσσουλούδια