Νε ολάν-ι Γέμουρα

Προβολή Τραγουδιού

Καλλιτέχνες: Αναστάσιος Ιωαννίδης, Ισαάκ Τηλικίδης

Τ’ αραπάς ι-μ’ τα ξύλα
[Νε ολάν-ι Γέμουρα;]¹
έτερα είν’ έτερα
[Νε ολάν-ι Γέμουρα;]
Τον Θεό σ’ αν αγαπάς
[Νε ολάν-ι Γέμουρα;]
έλα και σ’ εμέτερα
[Νε ολάν-ι Γέμουρα;]

Απ’ αδά επάρ’τε με,
[Νε ολάν-ι Γέμουρα;]
σο σ̌κοινίν κρεμάστε με
[Νε ολάν-ι Γέμουρα;]
Αν ’κ’ ευρήκω το πουλί μ’
[Νε ολάν-ι Γέμουρα;]
σον κρεμόν δεβάστε με
[Νε ολάν-ι Γέμουρα;]

Τα τσ̌ιέρι͜α μ’ έκαψες
[Νε ολάν-ι Γέμουρα;]
εμέν εζυμάτ’σες με
[Νε ολάν-ι Γέμουρα;]
Τον κύρη μ’ μη λες ατο
[Νε ολάν-ι Γέμουρα;]
έκαψες κι εμάντσες με
[Νε ολάν-ι Γέμουρα;]

Ντ’ εθέλ’να κι επάντρευα;
[Νε ολάν-ι Γέμουρα;]
την πελιάν ντ’ ετσ̌άτεψα
[Νε ολάν-ι Γέμουρα;]
Τ’ αρνί μ’ μετ’ εμέν ’κι παίζ’
[Νε ολάν-ι Γέμουρα;]
έναν άλλον αραεύ’
[Νε ολάν-ι Γέμουρα;]

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αραεύ’	ψάχνω/ει, αναζητώ/άει, γυρεύω/ει	aramak
αραπάς	άμαξας	araba
δεβάστε	(προστ.) οδηγήστε, περάστε, πηγαίνετε κπ/κτ κάπου
εθέλ’να	ήθελα
είν’	(για πληθ.) είναι
εμάντσες	μαύρισες/μουντζούρωσες από την καπνιά, κατέστρεψες, κατέκαψες μέχρι καπνιάς
εμέτερα	δικά μου/μας	ἡμέτερος
επάντρευα	παντρευόμουν, έδινα για παντρειά την κόρη μου
επάρ’τε	πάρτε
έτερα	διαφορετικά, αλλιώς, άλλα
ετσ̌άτεψα	συνάντησα (τυχαία), πέτυχα	çatmak
ευρήκω	βρίσκω
’κ’	δεν	οὐκί<οὐχί
’κι	δεν	οὐκί<οὐχί
κρεμόν	γκρεμό
μετ’	μαζί με (με αιτιατική), με (τρόπος)
ολάν	βρε, βρε συ
πελιάν	βάσανο, σκοτούρα	bela
τσ̌ιέρι͜α	σπλάχνα, σωθικά	ciğer/ciger

Σημειώσεις

¹ Ποιά είναι τα νέα σου Γέμουρα;