Σεβτάς τραγωδίας

Προβολή Τραγουδιού

Καλλιτέχνες: Δημήτρης Αλεξανδρίδης, Ισαάκ Τηλικίδης

Σιμά σα ξημερώματα
και πριν πατεύ’νε τ’ άστρα
Ενταμούμες με την εγάπ’
κανείς να μ’ έρ’ται ράστι͜α

Τ’ οσπίτι σ’ ετριγύλιζα
κι εκράτ’να ας σα κεράνια
Εσύ την πόρτα σ’ ’κ’ ένοιες
έτρωγα τα ποράνια

Ψηλά είν’ τα παράθυρα σ’
συρμένα τα περτέδες
’Κι ξέρω ακόμα αν κάθεσαι,
’κι ξέρω αν εκοιμέθες

Ψηλά είν’ τα παράθυρα σ’
κι η λάμπα απέσ’ φωτάζει
Σον κόσμον έμορφοι πολλοί
εσέν κανείς ’κι ομοι͜άζει

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
εγάπ’	αγάπη
είν’	(για πληθ.) είναι
εκοιμέθες	κοιμήθηκες
εκράτ’να	κρατούσα
έμορφοι	όμορφοι/ες
ένοιες	άνοιγες
ενταμούμες	ανταμώνουμε, συναντιόμαστε
έρ’ται	έρχεται
ετριγύλιζα	τριγύριζα, περιτριγύριζα
’κ’	δεν	οὐκί<οὐχί
κεράνια	πάσσαλοι περίφραξης κήπου
’κι	δεν	οὐκί<οὐχί
οσπίτι	σπίτι	hospitium<hospes
πατεύ’νε	βυθίζονται, βουλιάζουν, μτφ. δύουν, μτφ. καταρρέουν, μτφ. χρεωκοπούν	batmak
περτέδες	παραπετάσματα παραθύρων, κουρτίνες	perde
ποράνια	μπόρες, καταιγίδες	boran<βενετ. bora<λατ. Boreas <Βορέας (αντιδάνειο)
ράστι͜α	τυχαία, συμπτωματικά	rast/rāst
συρμένα	τραβηγμένα
φωτάζει	φωτίζει, λάμπει