Θέλω σε, μικρόν αρνί μ’

Θέλω σε μικρόν αρνί μ’,
ήλε μ’ και ανατολή μ’ [x2]
Έμπα σην εγκάλι͜α μ’,
χάρτσο με τ’ εσά τα κάλλι͜α.
Έμπα σην εγκάλι͜α μ’
Θέλω σε, πουλί μ’!

Θέλω σε μικρόν αρνί μ’, 
λύουμαι άμον κερίν [x2]
Δὼμα την εγάπη σ’,
άφ’ς σην άκραν το ινι͜άτι σ’
Δὼμα την εγάπη σ’
Έπαρ’ με, πουλί μ’!

Αν θα χάνω σε, πουλί μ’,
εθαρρώ θα εβγαίν’ η ψ̌η μ’ [x2]
Πώς θ’ απομαθάνω;
Αν ’κι θέλτς με θ’ αποθάνω!
Πώς θ’ απομαθάνω;
Είσαι η ζωή μ’!

Αν θα χάνω σε, πουλί μ’,
τη βρούλα μ’ ποίος θα βζήν’; [x2]
Τ’ άψιμο σ’ θα καίει με,
ο Χάρον θα αναμέν’ με.
Τ’ άψιμο σ’ θα καίει με
Είσαι η ζωή μ’!