Άγγελος σ’ ομμάτι͜α μ’

Όντες έχω σε σο γιάνι μ’
έμορφα χορεύ’ς το Τας
Άμον τη Θεού πουλόπον
ολόερα μ’ θα πετάς

Άγγελος σ’ ομμάτι͜α μ’
σην καρδι͜ά μ’ το γιατρικόν
Έμπα σην εγκάλι͜α μ’
να κείσαι ούσνα μερών’

Είδα, ψ̌η μ’, απέσ’ σ’ ομμάτι͜α σ’
ήντι͜αν η καρδία μ’ θέλ’
Έμορφα σουμά σ’ τα χρόνι͜α μ’
και γλυκέα άμον μέλ’

Άγγελος σ’ ομμάτι͜α μ’
σην καρδι͜ά μ’ το γιατρικόν
Έμπα σην εγκάλι͜α μ’
να κείσαι ούσνα μερών’

Φως είσαι, πουλί μ’, σ’ ομμάτι͜α μ’,
ο ήλεν σο χ̌ειμωγκόν
και τη τσ̌ιτσ̌ακί’ σκουτούλαν
την καρδία μ’ ντο γομών’

Άγγελος σ’ ομμάτι͜α μ’
σην καρδι͜ά μ’ το γιατρικόν
Έμπα σην εγκάλι͜α μ’
να κείσαι ούσνα μερών’

Άψιμον βάλτς σην καρδία μ’
όντες σο χορόν εμπαίντς
Χόρεψον ας παλαλούμαι,
τα πόνι͜α μ’ όλι͜α χατεύ’ς

Άγγελος σ’ ομμάτι͜α μ’
σην καρδι͜ά μ’ το γιατρικόν
Έμπα σην εγκάλι͜α μ’
να κείσαι ούσνα μερών’