Τσ̌άμπασ̌ιν/Γέφυρα

Εκάεν και το Τσ̌άμπασ̌ιν
κι επέμ’ναν τα τουβάρι͜α
[γιαρ, γιαρ, αμάν/ωφ, ωφ, αμάν]
[Και -ν-] Ερρούξαν σο γουρτάρεμαν
τ’ Ορτούς τα παλληκάρι͜α
[γιαρ, γιαρ, αμάν]

Βάι! Εκάεν κι εμανίεν
τ’ Ορτούς το παρχάρ’
Και -ν- εκεί τιδέν ’κ’ επέμ’νεν,
μανάχον σαχτάρ’

Άλλο εμέις ας σην Ορτού
σο Τσ̌άμπασ̌ιν ’κι πάμε
[γιαρ, γιαρ, αμάν/ωφ, ωφ, αμάν]
Όλια εγέντανε σαχτάρ’,
ντό θα πάμε ευτάμε
[γιαρ, γιαρ, αμάν/ωφ, ωφ, αμάν]

Βάι! Εκάεν κι εμανίεν
τ’ Ορτούς το παρχάρ’
Και -ν- εκεί τιδέν ’κ’ επέμ’νεν,
μανάχον σαχτάρ’

♫

Ση γέφυραν, ση γέφυραν
[Έλα Δάφνε μ’, ποταμέ!]
ση Τρίχας το γεφύριν
[Ε! Δάφνε μ’ και μυριγμένε μ’]

Χ̌ίλι͜οι μαστόροι έχτιζαν
[Έλα Δάφνε μ’, ποταμέ!]
και μύρι͜οι μαθητάδες
[Ε! Δάφνε μ’ και μυριγμένε μ’]

Όλεν τη μέραν έχτιζαν,
[Έλα Δάφνε μ’, ποταμέ!]
το βράδον εχαλάουτον
[Ε! Δάφνε μ’ και μυριγμένε μ’]

Ντό δί’ς με, πρωτομάστορα
[Έλα Δάφνε μ’, ποταμέ!]
και στένω το γεφύρι σ’;
[Ε! Δάφνε μ’ και μυριγμένε μ’]