Έπαρ’ με σουμά σ’/Σον χορόν/Εγάπανα τα έμορφα/Δύο κορτσόπα

Έπαρ’ με σουμά σ’, πουλί μ’,
είσαι το στουλάρι μ’
Είσαι εσύ τ’ εμόν η ψ̌η,
είσαι το τσ̌ικάρι μ’

Έπαρ’ με σουμά σ’, πουλί μ’,
λελεύω το ψ̌όπο σ’
Κανέναν εσύ μ’ ακούς,
άκ’σον το καρδόπο σ’

♫

Όντες εμπαίντς σο χορόν,
πουλί μ’, εμέν παλαλώντς
Τ’ ομματόπα σ’ πλουμιστά,
τα χ̌είλι͜α σ’ ζωγραφιστά

Όλ’ εσέν ελέπ’νε σε,
κορτσόπα ζελεύ’νε σε
Τα παιδόπα παλαλώντς
και τα καρδόπα ματώντς

♫

Εγάπανα τα έμορφα
κορτσόπα σο χωρίο μ’
Ατά έταν ντο έφαγαν
όλεν τ’ εμόν το βίον

Εγώ εποίν’να παλαλά
με τα κορτσόπα τα μικρά
Ντροπή ντ’ έτον ’κ’ εγνώριζα,
την ψ̌η μ’ εχαρεντέριζα

Εθά̤ρρ’να έτον εύκολον
να έ͜εις πολλά σεβτάδες
Να τρως, να πίντς, να χ̌αίρεσαι
με τ’ έμορφους νυφάδες

Εγώ εποίν’να παλαλά
με τα κορτσόπα τα μικρά
Ντροπή ντ’ έτον ’κ’ εγνώριζα,
την ψ̌η μ’ εχαρεντέριζα

♫

Δύο είναι τα κορτσόπα
εγώ ντ’ αγαπώ
Τ’ έναν έν’ μελαχρινόν,
τ’ άλλο έν’ ξανθό⇋

Πολλά δύσκολον η θέση μ’,
ντό να ’φτάω εγώ;
Τ’ έναν το κορτσόπον θέλω,
τ’ άλλο αγαπώ⇋