Κάθαν νύχταν ’κι κοιμούμαι

Εμάεψες την καρδία μ’ [πουλί μ’]
εσέγκες τρανόν φωτίαν [γιάβρι μ’]
Πέει με πώς θα ταγιανίζω [πουλί μ’]
τ’ εσόν την αροθυμίαν [γιάβρι μ’]

Κάθαν νύχταν ’κι κοιμούμαι
για τ’ εσέναν ξημερούμαι
Γυροκλώσκουμαι σα στράτας
για τ’ ολήμαυρα τ’ ομμάτι͜α σ’

Χ̌ίλια στόματα να είχα [πουλί μ’]
και τα χ̌είλι͜α σ’ να φιλένω¹ [γιάβρι μ’]
Χ̌ίλια νύχτας σην εγκάλια σ’ [πουλί μ’]
να κοιμούμαι κι απομένω [γιάβρι μ’]

Κάθαν νύχταν ’κι κοιμούμαι
για τ’ εσέναν ξημερούμαι
Γυροκλώσκουμαι σα στράτας
για τ’ ολήμαυρα τ’ ομμάτι͜α σ’

Η σεβντά -ν- απέσ’ ι-μ’ ντ’ έχω [πουλί μ’]
για τ’ εσέν πολλά τρανόν-ι [γιάβρι μ’]
Όσα χρόνι͜α κι αν δι͜αβαίν’νε [πουλί μ’]
σο καρδόπο μ’ θ’ απομένει [γιάβρι μ’]

Κάθαν νύχταν ’κι κοιμούμαι
για τ’ εσέναν ξημερούμαι
Γυροκλώσκουμαι σα στράτας
για τ’ ολήμαυρα τ’ ομμάτι͜α σ’