Εθάρρ’να εμέναν θέλ’

Προβολή Τραγουδιού

Καλλιτέχνες: Γιώργος Νικολαΐδης, Παναγιώτης Ασλανίδης

Όι! Ν’ αηλί από μικρόν
ους τα είκοσι χρονών
Εσεβταλανεύκουμ’νε
μ’ έναν κορίτσ’ χωρι͜ανόν

Εθάρρ’να εμέναν θέλ’
και -ν- εμέναν αραεύ’
Άπονεσσα έν’ ’κι τσ̌ούζ’
σα παράδες ατουν ρούζ’

Άλλος είχ̌εν τυχερόν
κι επέρεν τ’ αρνίν τ’ εμόν
Πώς επόρεσε ατέ
να ευτάει εμέν κακόν;

Εθάρρ’να εμέναν θέλ’
και -ν- εμέναν αραεύ’
Άπονεσσα έν’ ’κι τσ̌ούζ’
σα παράδες ατουν ρούζ’

Σ’ άλλα χ̌έρι͜α ευρίεται,
πολλά τυρα̤ννίεται
Λάθος εποίκεν τρανόν
εύρεν α’ ας σο Θεόν

Εθάρρ’να εμέναν θέλ’
και -ν- εμέναν αραεύ’
Άπονεσσα έν’ ’κι τσ̌ούζ’
σα παράδες ατουν ρούζ’

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
άπονεσσα	άπονη
αραεύ’	ψάχνω/ει, αναζητώ/άει, γυρεύω/ει	aramak
ατέ	αυτή
ατουν	τους
εθάρρ’να	θαρρούσα, πίστευα, νόμιζα
εμόν	δικός/ή/ό μου	ἐμοῦ
έν’	είναι
επέρεν	πήρε
εποίκεν	έκανε, έφτιαξε	ποιέω-ῶ
εσεβταλανεύκουμ’νε	ερωτευόμουν	sevdalanmak
εύρεν	βρήκε
ευρίεται	βρίσκεται
ευτάει	κάνει, φτιάχνει	εὐθειάζω
’κι	δεν	οὐκί<οὐχί
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ους	ως, μέχρι
παράδες	λεφτά, χρήματα	para/pāre
πολλά	(επίθ.) πολλά, (επίρρ.) πολύ
ρούζ’	πέφτει, ρίχνει
τσ̌ούζ’	λυπάμαι/ται, συμπονώ/ά	σίζω
τυρα̤ννίεται	τυραννιέται, ταλαιπωριέται