Σεβντάς μαράζ’ (Sevda marazı)

Πουλί μ’, ’ς σ’ ομματοτέρεμα σ’
εγώ εβουρουλεύτα
Ας σ’ όλια σ’ έμορφα απέσ’
εσέν επεγενεύτα

Αφήστε με, αφήστε με,
παιδία επαλαλώθα!
Σεβντάς μαράζ’ επέρε με,
πασ̌τάν εμαραζώθα!
Επέρε με το μαράζι μ’,
πασ̌τάν εμαραζώθα!

Για τ’ εσέν είχα ομούτι͜α
και πολλά χαβεσλούκια
Εποίκανέ με περισ̌άν’
τ’ εσά τα σεβνταλούκια

Αφήστε με, αφήστε με,
παιδία επαλαλώθα!
Σεβντάς μαράζ’ επέρε με,
πασ̌τάν εμαραζώθα!
Επέρε με το μαράζι μ’,
πασ̌τάν εμαραζώθα!

Άτσ̌απα εγώ ντό έπαθα,
πάντα δάκρυ͜α σ’ ομμάτι͜α μ’
Ας έλεπα σε αλλομίαν,
επαίρ’να τα μουράτι͜α μ’

Αφήστε με, αφήστε με,
παιδία επαλαλώθα!
Σεβντάς μαράζ’ επέρε με,
πασ̌τάν εμαραζώθα!
Επέρε με το μαράζι μ’,
πασ̌τάν εμαραζώθα!

Γομώστε με κρύον νερόν,
βάλτε πάγον σο ρακί μ’
Για δώστε μ’ ατο ας πίνω,
πέλκι χάν’ το μεράκι μ’
Για δώστε με -ν- ας πίν’ ατο,
πέλκι χάν’ το μεράκι μ’

Αφήστε με, αφήστε με,
παιδία επαλαλώθα!
Σεβντάς μαράζ’ επέρε με,
πασ̌τάν εμαραζώθα!
Επέρε με το μαράζι μ’,
πασ̌τάν εμαραζώθα!