Φιλέματα τρακόσ̌ι͜α

Κάθ’κα σουμά μ’ και τέρε με
όπως εγώ τερώ σε
Πουλόπο μ’, άλλο ’κι θα λες
εγώ πως ’κι αγαπώ σε

Τα τέρτι͜α μ’ καμπόσα,
για κόνεψον να δίγω σε
φιλέματα τρακόσ̌ι͜α

Εμέν όλ’ αγαπούνε με
ατό πώς ’κι αγαπά με!
Εγώ κακό ’κ’ εποίκα το
για να κακολογά με

Τα τέρτι͜α μ’ καμπόσα,
για κόνεψον να δίγω σε
φιλέματα τρακόσ̌ι͜α

Τα νύχτας αξημέρωτα
το ψ̌όπο μ’ κατακαίνε
Πώς ’κι πονεί το καρδόπο σ’
τ’ ομμάτι͜α μ’ όντες κλαίνε!

Τα τέρτι͜α μ’ καμπόσα,
για κόνεψον να δίγω σε
φιλέματα τρακόσ̌ι͜α