Ο Κώτσον ας σο Μουζτερέκ

Προβολή Τραγουδιού

Καλλιτέχνες: Θόδωρος Παυλίδης, Μπάμπης Κεμανετζίδης

Σο Γεντί Κουλέ τον κύρη μ’
είπαν έχ’ν’ ατον
Και σο σκοτεινόν κελλίν ατ’,
εγώ εύρα ατον

Είδ’ ατον απέσ’ σ’ ομμάτι͜α
κι εγομώθανε
Και τα χ̌έρι͜α τ’ σα σιδέρ’τα
εκρεμάγανε

Ας σο Μουζτερέκ ο Κώτσον
έφυεν και πάει
Κώτσο, η αροθυμία σ’
τα καρδίας κάει

Ας σο Μουζτερέκ οι φίλοι σ’
λένε για τ’ εσέν
Ση Κρουσσι͜άς και τα λημέρι͜α
αραεύ’νε σε

Και σο υστερνόν ταξίδι σ’
’τοπλαεύταν χ̌ίλ’
Να τιμούνε τον αντάρτην,
σύντροφοι και φιλ’

Ας σο Μουζτερέκ ο Κώτσον
έφυεν και πάει
Κώτσο, η αροθυμία σ’
τα καρδίας κάει

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αραεύ’νε	ψάχνουν, αναζητούν, γυρεύουν	aramak
αροθυμία	νοσταλγία
εγομώθανε	γεμίσανε, βούρκωσαν, κόμπιασαν
εύρα	βρήκα, (ιδιωμ. προστ.) βρες
έφυεν	έφυγε
έχ’ν’	έχουνε
κάει	καίει
καρδίας	(τη, γεν.) καρδιάς, (τα, ονομ. πληθ.) καρδιές
ομμάτι͜α	μάτια
σιδέρ’τα	σίδερα
’τοπλαεύταν	(ετοπλαεύταν) μαζεύτηκαν, συγκεντρώθηκαν	toplamak
υστερνόν	κατοπινό, τελευταίο, στερνό
χ̌ίλ’	χίλιοι/ες/ια

Σημειώσεις

¹ (ή Μουζδερέκ) Παλιά ονομασία του χωριού Μελισσουργειό Κιλκίς