Θεία, θεία τέρε με

Προβολή Τραγουδιού

Καλλιτέχνες: Θόδωρος Παυλίδης, Παναγιώτης Ασλανίδης

Θεία, θεία τέρε με,
τέρεν ντό γιοσμάς είμαι
[Θεία μ’, λέγω σε]
Τέρεν ντό γιοσμάς είμαι,
σην κουτσ̌ή σ’ κερά̤ν είμαι
[Ποδεδίζω σε!]

Θεία μ’, το κορτσόπο σου
πολλά αγαπώ -γ- ατο
[Θεία μ’, λέγω σε]
Δος μ’ ατό με το καλόν
γιατί εγώ θα κλέφτ’ ατο
[Ποδεδίζω σε!]

Φτύσον τον διάβολον,
την καρδία μ’ για χτίσον
[Θεία μ’, λέγω σε]
Δος με θεία μ’ την ευχ̌ή σ’
και -ν- εμέν γαμπρόν ποίσον
[Ποδεδίζω σε!]

Γλωσσάρι

Κείμενο	Επεξήγηση	Ετυμ. Ρίζα
γιοσμάς	κομψός, λεβέντης νέος	yosma
δος	δώσε
κερά̤ν	ταιριαστός/ή/ό	göre
κλέφτ’	κλέβω/ει
κορτσόπο	κοριτσάκι
κουτσ̌ή	κόρη
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
ποίσον	(προστ.) κάνε, φτιάξε	ποιέω, ποιῶ
πολλά	(επίθ.) πολλά, (επίρρ.) πολύ
τέρε	(προστ.) κοίταξε
τέρεν	(προστ.) κοίταξε
χτίσον	(προστ.) χτίσε, φτιάξε