Προβολή Τραγουδιού
Περισ̌άν’ εποίκες με |
Αγαπώ σε κι αγαπάς μεΣτιχουργοί: Θόδωρος Παυλίδης
Συνθέτες: Παναγιώτης Ασλανίδης
Καλλιτέχνες: Θόδωρος Παυλίδης, Παναγιώτης Ασλανίδης
Για τ’ εσέν πέντε χρόνα̤, πουλόπο μ’, ντο έσυρα Εφάγανε με τα τέρτα̤ έσπρυνα κι εγέρασα Περισ̌άν’ εποίκες με σα στράτας να λάσκουμαι Σα ταβέρνας απέσ’ κέσ’ ξημεροβραδι͜άσκουμαι Ελέπω σε πορπατείς με τ’ άλλα τα κορτσόπα Ξάι τσ̌οάπ’ σ’ εμέν ’κι δί’ς, τρώνε με τα τερτόπα Περισ̌άν’ εποίκες με σα στράτας να λάσκουμαι Σα ταβέρνας απέσ’ κέσ’ ξημεροβραδι͜άσκουμαι Εποίκες με σεβνταλήν τα μαλλία μ’ έσπρυνες Σην καρδι͜ά μ’ το πονεμένον πικρόν φαρμάκ’ έσυρες Περισ̌άν’ εποίκες με σα στράτας να λάσκουμαι Σα ταβέρνας απέσ’ κέσ’ ξημεροβραδι͜άσκουμαι Ατώρα για τ’ εμέν νούντσον ολίγον δος με χαράν Σην καρδι͜ά μ’ το πονεμένον να λαρώντς και τη γεράν Περισ̌άν’ εποίκες με σα στράτας να λάσκουμαι Σα ταβέρνας απέσ’ κέσ’ ξημεροβραδι͜άσκουμαι
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| ατώρα | τώρα | ||
| γεράν | πληγή, τραύμα | yara | |
| δί’ς | δίνεις | ||
| δος | δώσε | ||
| εγέρασα | γέρασα | ||
| ελέπω | βλέπω | ||
| εποίκες | έκανες, έφτιαξες | ποιέω-ῶ | |
| έσπρυνα | άσπρισα | ||
| έσπρυνες | άσπρισες | ||
| έσυρα | έσυρα, τράβηξα, έριξα | ||
| έσυρες | έσυρες, τράβηξες, έριξες | ||
| κέσ’ | εκεί μέσα, προς τα εκεί | κέσου<κεῖσ’<κεῖσε<ἐκεῖσε | |
| ’κι | δεν | οὐκί<οὐχί | |
| κορτσόπα | κοριτσάκια | ||
| λαρώντς | γιατρεύεις, θεραπεύεις | ||
| λάσκουμαι | περιφέρομαι, τριγυρίζω, περιπλανώμαι | ἀλάομαι/ηλάσκω | |
| νούντσον | (προστ.) σκέψου | ||
| ξάι | καθόλου | ||
| ολίγον | λίγο | ||
| περισ̌άν’ | εξαθλιωμένo, κακομοίρη, δυστυχή | perişan/perīşān | |
| πορπατείς | περπατάς | ||
| πουλόπο | πουλάκι | ||
| σεβνταλήν | ερωτοχτυπημένο, ερωτευμένο | sevdalı | |
| στράτας | (ονομ.) δρόμοι, (αιτ.) δρόμους | ||
| τέρτα̤ | καημοί, βάσανα, στενοχώριες | dert | |
| τερτόπα | (υποκορ.) καημοί, βάσανα, στενοχώριες | dert | |
| τσ̌οάπ’ | απόκριση, αναφορά | cevap/cevāb | |
| χρόνα̤ | χρόνια |
