Έρθαμε σον Καναδάν

Προβολή Τραγουδιού

Καλλιτέχνες: Κώστας Καραπαναγιωτίδης

Έρθαμε σον Καναδάν
[και] μετ’ οράματα τρανά
Παράδες να σερεύομε
και να γαζανεύομε
Ντόλαρς¹ να σερεύομε
και να γαζανεύομε

Εχ! Έρθαμε σο Μόντρεαλ
[και] σο τρανόν την πολιτείαν
Έρθαμε, ξαν, σο Τορόντο
σο τρανόν την πολιτείαν
κι ερρούξαμε σα στράτας
κι αραεύομε δουλείαν

[Εχ!] ’Μπαίνομε σ’ ένα φουρνίν
κι ερωτούμ’ δειλά-δειλά
«Μήπως έχ̌ετεν δουλείαν
για τ’ εμέν και την κυρά;
Μήπως έχ̌ετεν δουλείαν
για τ’ εμέν τον φουκαράν;»

[Εχ!] «Just a second» απαντά
[και -ν-] ο υπάλληλον μπροστά
Τον μπόσην² ερωτά
έναν ξα ειρωνικά
«Μήπως έχομε δουλείαν
(για) τη χώρας τα παιδία»
κι εκείνος απαντά
κατευθείαν γαλλικά
«Est-ce que vous parlez françaiş?» 
’Κι αγναεύομε ντο λέει!
«Est-ce que vous parlez anglaiş?» 
-Ανάθεμά σε, παλαλέ!

Γλωσσάρι

Κείμενο	Επεξήγηση	Ετυμ. Ρίζα
αγναεύομε	καταλαβαίνουμε
απαντά	απαντάει, συναντάει
αραεύομε	ψάχνουμε, αναζητούμε, γυρεύουμε	aramak
γαζανεύομε	κερδίζουμε, αποκτούμε	kazanmak
δουλείαν	δουλειά
έναν ξα	λίγο, μια σταλιά
έρθαμε	ήρθαμε
ερρούξαμε	πέσαμε
ερωτά	ρωτάει
έχ̌ετεν	έχετε
έχομε	έχουμε
’κι	δεν	οὐκί<οὐχί
μετ’	μαζί με (με αιτιατική), με (τρόπος)
ξαν	πάλι, ξανά
παιδία	παιδιά
παλαλέ	τρελέ, ανόητε
παράδες	λεφτά, χρήματα	para/pāre
σερεύομε	μαζεύουμε, συγκεντρώνουμε	σωρεύω
στράτας	(ονομ.) δρόμοι, (αιτ.) δρόμους
τρανά	μεγάλα
φουρνίν	φούρνος
χώρας	ξένος/η/ο/οι γενικά, οι/το/τα μη οικείο/α, ξενιτειάς

Σημειώσεις

¹ Dollars: δολάρια
² Boss: αφεντικό