Η καρδία μ’ εσέν θέλ’

Θέλω σε εγώ, γιαβρόπο μ’,
άμον μελεσσίδ’ το μέλ’
Λέγω σε πολλά αγαπώ σε,
η καρδία μ’ εσέν θέλ’

Εγώ είμαι μαναχέσσα,
εσύ είσαι μαναχός
Για τ’ εσέν κρούει η καρδία μ’,
είσαι τη ματί’ μ’ το φως

Έλα, ψ̌η μ’, απόψ’ το βράδον,
τρέξον, αναμένω σε
Έλα εσύ σ’ εμέν γιαβρόπο μ’,
τρέξον να λελεύω σε!

Θέλω σε εγώ, γιαβρόπο μ’,
άμον μελεσσίδ’ το μέλ’
Λέγω σε πολλά αγαπώ σε,
η καρδία μ’ εσέν θέλ’ [x2]

Πη ελέπ’ σε παλαλούται,
πη φιλεί σε λύεται
Η καρδία τ’ κρούει ματούται,
θέλ’ να αγαπίεται

Σύρω εγώ το τσιγαρόπο μ’,
σύρω κι αραεύω σε
και απέσ’ σον καπνόν, ψ̌ήκα μ’,
εθαρρώ ελέπω σε

Θέλω σε εγώ, γιαβρόπο μ’,
άμον μελεσσίδ’ το μέλ’
Λέγω σε πολλά αγαπώ σε,
η καρδία μ’ εσέν θέλ’ [x5]