Προβολή Τραγουδιού
Τέμπη 57+ |
Τέμπη 57+Στιχουργοί: Αναστασία Τρανουλίδου, Γρηγόρης Σιδεράς
Συνθέτες: Γρηγόρης Σιδεράς
Καλλιτέχνες: Αρετή Κατσαγεωργίου, Γιώτα Παπαδοπούλου, Γρηγόρης Σιδεράς, Ψαλμός Απαγγελία-Αφήγηση
Μη κλαις, μανίτσα μ’, ξάι μη κλαις, μη κλαις κι εσύ πατέρα μ’ Σουμά σ’ εμέν έν’ ο Χριστόν, σουμά μ’ κι η Παναΐα ♫ Έτον χ̌ειμωγκονί’ καιρός και Κούντουρον ο μήνας κι ατά ’κ’ ελογαρίαζαν νέ νύχταν, νέ τον κρύον ♫ Παιδία ετοιμάγανε να πάν’ σα γονι͜ακά τουν Να πάνε ευρήκ’νε τ’ έταιρους σον τόπον ντ’ εγεννέθαν Και άλλα εθέλεσαν να πάν’ σα τόπι͜α ντο σπουδάζ’νε Σα χ̌είλι͜α είχαν τη χαράν και το δισάκ’ ση ράχ̌ι͜αν Έτον χ̌ειμωγκονί’ καιρός και Κούντουρον ο μήνας κι ατά ’κ’ ελογαρίαζαν νέ νύχταν, νέ τον κρύον Έφτασαν όλια σο σταθμόν με γέλ’τα και λαλίας και χαρεμένα έτρεξαν κι εξέβανε σο τρένον Οπίσ’ ατουν ελάγγεψεν σ’ ένα βαγόν κι ο Χάρον π’ εσκάλωσεν κι εθέριζεν αγούρι͜α και κορτσόπα Αέτσ’ εέντον το κακόν κι εχ̌αίρουσον ο Χάρον ντ’ επόρεσεν να κουβαλεί σον Άδ’ τα νέικα ψ̌ήα Τα ψ̌ήα έντανε αγγέλ’ ση παραδείσ’ τον τόπον κι εκεί χορεύ’νε και γελούν και τραγωδούν εντάμαν Μη κλαις, μανίτσα μ’, ξάι μη κλαις, μη κλαις κι εσύ πατέρα μ’ Σουμά σ’ εμέν έν’ ο Χριστόν, σουμά μ’ κι η Παναΐα ♫ Μη κλαις, μανίτσα μ’, ξάι μη κλαις, μη κλαις κι εσύ πατέρα μ’ Σουμά σ’ εμέν έν’ ο Χριστός, σουμά μ’ και η Παναΐα Μη κλαις, μανίτσα μ’, ξάι μη κλαις, μη κλαις κι εσύ πατέρα μ’ Σουμά σ’ εμέν έν’ ο Χριστός, σουμά μ’ και η Παναΐα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγγέλ’ | (ονομ. πληθ.) άγγελοι, (γεν.) αγγέλου | ||
| αγούρι͜α | αγόρια νέα | ||
| αέτσ’ | έτσι | ||
| ατά | αυτά | ||
| ατουν | τους | ||
| γέλ’τα | γέλια | ||
| γονι͜ακά | γονείς | ||
| εγεννέθαν | γεννήθηκαν | ||
| εέντον | έγινε | ||
| εθέλεσαν | θέλησαν | ||
| ελάγγεψεν | πήδηξε | लङ्घ (laṅgh) | |
| ελογαρίαζαν | λογάριαζαν, υπολόγιζαν | ||
| έν’ | είναι | ||
| εντάμαν | μαζί | ||
| έντανε | έγιναν | ||
| εξέβανε | βγήκαν | ||
| επόρεσεν | μπόρεσε | ||
| εσκάλωσεν | ξεκίνησε, άρχισε, εκκίνησε ένα έργο/δουλειά | ||
| έταιρους | συντρόφους, συνοδοιπόρους | ||
| ετοιμάγανε | ετοιμάστηκαν | ||
| έτον | ήταν | ||
| ευρήκ’νε | βρίσκουν | ||
| εχ̌αίρουσον | χαιρόταν | ||
| ’κ’ | δεν | οὐκί<οὐχί | |
| κορτσόπα | κοριτσάκια | ||
| Κούντουρον | Φεβρουάριος | ||
| λαλίας | λαλιές, φωνές, (γεν. ενικού) φωνής | ||
| μήνας | (τα) μήνες | ||
| νέ | ούτε | ne | |
| νέικα | νεαρά, νεανικά | ||
| ξάι | καθόλου | ||
| όλια | όλα | ||
| οπίσ’ | πίσω | ||
| παιδία | παιδιά | ||
| Παναΐα | Παναγιά | ||
| παραδείσ’ | παραδείσου | ||
| ράχ̌ι͜αν | ράχη, πλάτη | ||
| σουμά | κοντά | ||
| τόπι͜α | τόποι, μέρη | ||
| τουν | τους | ||
| τραγωδούν | τραγουδάνε | ||
| χ̌ειμωγκονί’ | (γεν.) χειμώνα | ||
| χαρεμένα | χαρούμενα | ||
| χορεύ’νε | χορεύουν | ||
| ψ̌ήα | ψυχές, η περιοχή του στέρνου, τα εσώψυχα |
Απαγγελία: Γιώργος Μιχαηλίδης
