Αν αποθάνω

Αν αποθάνω, πουλόπο μ’,
φόρ’ το άσπρον το τσ̌ίτι σ’
[γιαρ, γιαρ, γιαρ, αμάν]
Ωρι͜άσον τυρα̤ννίεσαι
και πας κολλί͜εις τ’ οσπίτι σ’
[γιαρ, γιαρ, γιαρ, αμάν]

Αν αποθάνω, πουλόπο μ’,
πίασον σο κασόνι μ’
[γιαρ, γιαρ, γιαρ, αμάν]
Θα παίρ’νε, πάνε, θάφ’νε με,
θ’ απομέντς μοναχόν συ
[γιαρ, γιαρ, γιαρ, αμάν]

Αν αποθάνω θάψτε με
σ’ ένα ψηλόν ραχ̌όπον
[γιαρ, γιαρ, γιαρ, αμάν]
ν’ ακούω θάλασσας βοήν
και κεμεντζ̌ές λαλόπον
[γιαρ, γιαρ, γιαρ, αμάν]

Σκοτία έν’, ’κ’ ελέπω σε,
το λαλόπο σ’ ακούω
Απλώνω τα ξερόχ̌ερα μ’,
απάν’ σην καρδι͜ά σ’ κρούω