Αγαπώ σε, αγγελούδι μ’

Προβολή Τραγουδιού

Καλλιτέχνες: Δημήτρης Κουγιουμτζίδης, Κώστας Καραπαναγιωτίδης

Αγαπώ σε, αγγελούδι μ’,
σεβνταλίν πολλά μικρόν
’Κ’ επορώ χωρίς εσέναν
άλλο για να ζω

Αγαπώ σε, αγγελούδι μ’,
εγώ εσέν αγαπώ
Τερώ τη φωτογραφία σ’,
μετ’ εσέν παραμιλώ

Έφυες έναν ημέραν,
εφέκες με μαναχόν
Για τ’ ατό, αγγελουδόπο μ’,
φταίει ο κύρη σ’ ο κακόν

Έφυες σην ξενιτείαν,
εσύ, ας σ’ εμέν μακρά
Στείλτς με δύο γραμματόπα
και κομπώντς μετ’ ατά

Θυμούμαι τ’ εσά τ’ ομμάτι͜α
τ’ έμορφα τα πλουμιστά
Αγγελούδι είσαι, πουλόπο μ’,
θ’ αποθάνω ας ση σεβντάν

Αγαπώ σε, αγγελούδι μ’,
εγώ εσέν αγαπώ
Τερώ τη φωτογραφία σ’,
μετ’ εσέν παραμιλώ

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
ας σ’	(ας σου) από του, από τότε που/αφότου, (ας σο) από το/τα
ατά	αυτά
έμορφα	όμορφα
επορώ	μπορώ
εσά	δικά σου/σας
εφέκες	άφησες
έφυες	έφυγες
θυμούμαι	θυμάμαι
’κ’	δεν	οὐκί<οὐχί
κομπώντς	εξαπατάς, ξεγελάς, μτφ. σαγηνεύεις	κομβόω
μακρά	(επιρρ.) μακριά, (επιθ.) μακρινά, απομακρυσμένα
μαναχόν	(έναρθρο) μοναχός, μοναχό, (επίρρ) μόνο/μοναχά
μετ’	μαζί με (με αιτιατική), με (τρόπος)
ομμάτι͜α	μάτια
πλουμιστά	στολισμένα, διακοσμημένα με ζωγραφιές ή κεντήματα, πολύχρωμα	pluma
πολλά	(επίθ.) πολλά, (επίρρ.) πολύ
πουλόπο	πουλάκι
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
σεβντάν	αγάπη, έρωτα	sevda/sevdā
στείλτς	στέλνεις
τερώ	κοιτώ