Έναν κορτσόπον αγαπώ

Έναν κορτσόπον αγαπώ,
έκαψεν την καρδία μ’
Εγώ ατό θα παίρ’/κλέφτ’ ατο
ε, μα την Παναΐαν!

Τ’ ομματόπα σ’, τ’ οφρυδόπα σ’,
τ’ ομματόκλαδα τ’ εσά
[Και] τ’ εμόν την καρδι͜άν έκαψαν
και -ν- εποίκαν α’ σαχτάρ’

Εγάπεσα, εγάπεσα,
εδέκα την καρδία μ’
Ατέν αν ’κι θα παίρω ’γώ
θα χάνω την υγεία μ’

Τ’ ομματόπα σ’, τ’ οφρυδόπα σ’,
τ’ ομματόκλαδα τ’ εσά
[Και] τ’ εμόν την καρδι͜άν έκαψαν
και -ν- εποίκαν α’ σαχτάρ’

Χωρίς ατέναν η ζωή μ’
μαύρον πουγαλεμένον
Ατέ σύντροφον ση ζωή μ’
θα ’φτάει με χαρεμένον

Τ’ ομματόπα σ’, τ’ οφρυδόπα σ’,
τ’ ομματόκλαδα τ’ εσά
[Και] τ’ εμόν την καρδι͜άν έκαψαν
και -ν- εποίκαν α’ σαχτάρ’

Τ’ εσά τα σκαλοπάτι͜α
εγώ θα ’βγών’ ατα
Τα κόκκινα χ̌ειλόπα σ’
πώς θα φιλώ -γ- ατα;

Τ’ ομματόπα σ’, τ’ οφρυδόπα σ’,
τ’ ομματόκλαδα τ’ εσά
[Και] τ’ εμόν την καρδι͜άν έκαψαν
και -ν- εποίκαν α’ σαχτάρ’