Σον εικοστόν αιώνα

Σον εικοστόν τον αιώνα
σον κόσμον όλι͜α έλλαξαν
Γαρήδες και κορίτσα̤
’πάν σην μόδαν ερρούξαν

Ντό είν’, γάρη, το φορείς;
Ντό είν’ ατά τα χάλι͜α σ’;
Βάφκεσαι, χ̌ιλι͜οβάφκεσαι
χ̌ίλι͜α λογιών πογιάδας

Άντρα, εγροίκα το καλά
με την μόδαν θα πάγω
Μίνι, (και) μίντι θα φορώ
μάξι πα θα ευτάγω

Σα κέντρα λάσκουμαι,
χαρτία πα θα παίζω
Γνωριμίας θ’ αποκτώ,
πολλά θα μασχαρεύω

Ντό είν’, γάρη, το φορείς;
Ντό είν’ ατά τα χάλι͜α σ’;
Βάφκεσαι, χ̌ιλι͜οβάφκεσαι
χ̌ίλι͜α λογιών πογιάδας