Νασάν πη θα φιλεί σε

Τ’ ομμάτι͜α σ’ είν’ ολήμαυρα
[τρυγόνι μ’, τρυγόνα μ’]
μακρέα τα μαλλία σ’
[γιαρ, γιαρ, γιαρ, αμάν!/
όι! όι! όι! αμάν!]
Γομάτον έν’ ας ση σεβντάν
[τρυγόνι μ’, τρυγόνα μ’]
το τρανόν η καρδία σ’
[γιαρ, γιαρ, γιαρ, αμάν!/
όι! όι! όι! αμάν!]

Τραγωδώ μονά-μονά
κι η καρδι͜ά μ’ καρδοπονά
Τραγωδώ σεβνταλικά,
π’ έχ̌’ αχούλ’ ας εγροικά

Κόκκινα είν’ τα μαγ’λόπα σ’,
[τρυγόνι μ’, τρυγόνα μ’]
νασάν πη θα φιλεί σε!
[γιαρ, γιαρ, γιαρ, αμάν!/
όι! όι! όι! αμάν!]
Νασάν που έ͜ει σε εμπροστά τ’
[τρυγόνι μ’, τρυγόνα μ’]
κι ους να μερών’ τερεί σε
[γιαρ, γιαρ, γιαρ, αμάν!/
όι! όι! όι! αμάν!]

Τραγωδώ μονά-μονά
κι η καρδι͜ά μ’ καρδοπονά
Τραγωδώ σεβνταλικά,
π’ έχ̌’ αχούλ’ ας εγροικά

Λελεύ’ ατα τ’ ομματόπα σ’
[τρυγόνι μ’, τρυγόνα μ’]
ντο τερούν στέρι͜α-στέρι͜α
[γιαρ, γιαρ, γιαρ, αμάν!/
όι! όι! όι! αμάν!]
Εγώ κι εσύ θα ’ίνουμες
[τρυγόνι μ’, τρυγόνα μ’]
ζευγάρι͜α περιστέρι͜α
[γιαρ, γιαρ, γιαρ, αμάν!/
όι! όι! όι! αμάν!]

Τραγωδώ μονά-μονά
κι η καρδι͜ά μ’ καρδοπονά
Τραγωδώ σεβνταλικά,
π’ έχ̌’ αχούλ’ ας εγροικά