Λύραν παίζω τραγωδώ

Προβολή Τραγουδιού

Εν χορδαίς ωδή | Με άρωμα Ευξείνου

Στιχουργοί: Κώστας Κωνσταντινίδης

Συνθέτες: Γιώργος Δημητριάδης

Καλλιτέχνες: Γιώργος Δημητριάδης, Γιωργούλης Κουγιουμτζίδης

Σεβνταλής κεμεντζ̌ετζ̌ής,
τραγωδι͜άνος μερακλής
Λύραν παίζω τραγωδώ
για τ’ ομμάτι͜α ντ’ αγαπώ

Η λύρα μ’ κοκκύμελον
κωδωνίζ’ οσήμερον
Το τοξάρι μ’ δί’ και παίρ’
θα χορεύ’ τ’ εμόν το ταίρ’

Σεβνταλής είμαι -ν- εγώ,
λύραν παίζω τραγωδώ
Το κορτσόπο μ’ έν’ σουμά μ’
και πετώ ας ση χαρά μ’

Τραγωδώ σεβνταλικά
και το καρδόπο μ’ χτυπά
Τ’ αρνόπο μ’ σύρ’ το χορόν,
θα παίζω ους να μερών’

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
δί’	δίνει
δί’ και παίρ’	(εκφ. δίνει και παίρνει) σβήνει κι ανάβει, ενεργεί αλλοπρόσαλλα
εμόν	δικός/ή/ό μου	ἐμοῦ
έν’	είναι
καρδόπο	καρδούλα
κεμεντζ̌ετζ̌ής	λυράρης	kemençeci
κοκκύμελον	το δέντρο δαμασκηνιά, δαμάσκηνο
κορτσόπο	κοριτσάκι
κωδωνίζ’	κουδουνίζει
μερών’	μερώνει, ξημερώνει
ομμάτι͜α	μάτια
οσήμερον	σήμερα
ους	ως, μέχρι
παίρ’	παίρνω/ει
σεβνταλής	ερωτοχτυπημένος, ερωτευμένος	sevdalı
σεβνταλικά	ερωτικά, με ερωτική διάθεση	sevdalı
σουμά	κοντά
σύρ’	σύρω/ει, τραβάω/ει, ρίχνω/ει
ταίρ’	ταίρι
τραγωδι͜άνος	τραγουδιστής
τραγωδώ	τραγουδάω
χορεύ’	χορεύω/ει