Ποντιακός Στίχος

Προβολή Τραγουδιού

Καλόν καλόν ο χ̌ειμωγκόν

Εν χορδαίς ωδή | Με άρωμα ΕυξείνουΕν χορδαίς ωδή | Με άρωμα Ευξείνου

Στιχουργοί: Κώστας Κωνσταντινίδης

Συνθέτες: Γιώργος Δημητριάδης

Καλλιτέχνες: Γιώργος Δημητριάδης, Γιωργούλης Κουγιουμτζίδης


Καλόν, καλόν ο χ̌ειμωγκόν,
με τ’ αρνόπο σ’ αν κείσαι
Τ’ εγκαλόπον αν θες ζεστόν
αμὰν εσύ χουλείσαι

Ντό καλόν ο χ̌ειμωγκόν!
Καί͜εις σον πέσ̌κον το καρβών’
Κάθεσαι και ’κι δουλεύ’ς,
τραγωδείς και μασχαρεύ’ς

Καλόν, καλόν ο χ̌ειμωγκόν
νέ χωράφ’, νέ δουλείας
Σο καφενείον πίντς ρακίν
και παί͜εις και τα χαρτία σ’

Ντό καλόν ο χ̌ειμωγκόν!
Καί͜εις σον πέσ̌κον το καρβών’
Κάθεσαι και ’κι δουλεύ’ς,
όλον λες/τραγωδείς και μασχαρεύ’ς

Καλόν, καλόν ο χ̌ειμωγκόν
τ’ οσπίτι͜α εκαπατεύταν
Νασάν εκείν’ τα κορτσόπα
π’ ατώρα εσουμαδεύταν

Ντό καλόν ο χ̌ειμωγκόν!
Καί͜εις σον πέσ̌κον το καρβών’
Κάθεσαι και ’κι δουλεύ’ς,
όλον λες/τραγωδείς και μασχαρεύ’ς

Καλόν, καλόν ο χ̌ειμωγκόν
φυσάει και μουρδουλίζει
Η πεθερά τα νυφόπα
άλλο ’κι καματίζει

Ντό καλόν ο χ̌ειμωγκόν!
Καί͜εις σον πέσ̌κον το καρβών’
Κάθεσαι και ’κι δουλεύ’ς,
όλον λες/τραγωδείς και μασχαρεύ’ς
Γλωσσάρι
ΚείμενοΕπεξήγησηΕτυμ. ΡίζαΠροέλευση
αμὰναμέσως, ευθύς, μονομιάς hemen/hemān
αρνόποαρνάκι, χαϊδευτική προσφώνηση γυναίκας
ατώρατώρα
δουλείαςδουλειές (ονομ. πληθ.), δουλειάς (γεν. ενικ.)
δουλεύ’ςδουλεύεις
εγκαλόποναγκαλιά, αγκαλίτσα
εκαπατεύτανσκεπάστηκαν, καλύφθηκαν, κλείστηκαν σε κτ kapatmak
εσουμαδεύταναρραβωνιάστηκαν
καματίζειαγγαρεύει
καρβών’κάρβουνο
κείσαικείτεσαι, ξαπλώνεις
’κιδεν οὐκί<οὐχί
κορτσόπακοριτσάκια
μασχαρεύ’ςαστειεύεσαι, διακωμωδείς maskara/masḫara
νασάνχαρά σε
νέούτε ne
νυφόπανυφούλες
οσπίτι͜ασπίτια hospitium<hospes
παί͜ειςπαίζεις
πέσ̌κονσόμπα
πίντςπίνεις
ρακίναλκοολούχο ποτό που παράγεται από τη ζύμωση φρούτων ή στεμφύλων φρούτων rakı/ˁaraḳī
τραγωδείςτραγουδάς
χ̌ειμωγκόν(ονομ.) χειμώνας, (γεν.) χειμώνα
χουλείσαιζεσταίνεσαι, θερμαίνεσαι

Ποντιακός Στίχος - Pontian Lyrics 2024

Τραγούδια: 8001 | Albums/Singles: 1225 | Συντελεστές: 1599 | Λήμματα: 13740
Επικοινωνία: infoDUMMY@pontianlyrics.gr