Για τ’ εσέν θα πάγω ρούζω σον κρεμόν

Προβολή Τραγουδιού

Στιχουργοί: Βασούλα Ευθυμιάδου, Τάκης Παπαδόπουλος

expand_content

Για τ’ εσέν θα πάγω ρούζω 
σον κρεμόν, σον κρεμόν
και τρανόν κρίμαν θα ’φτάω 
σον Θεόν, σον Θεόν
Ν’ αηλί εμέν και βάι εμέν!

Κι όταν παίρ’νε με και πάνε
σο ταφί μ’, σο ταφί μ’
Έλα ατότε να φιλείς με,
νε πουλί μ’, νε γιαβρί μ’
Ν’ αηλί εμέν και βάι εμέν!

Την καντήλα μ’ έλα -ν- άψον
σο ταφί μ’, σο ταφί μ’
Μοιρολόγα με και κλάψον,
νε πουλί μ’, νε γιαβρί μ’
Ν’ αηλί εμέν και βάι εμέν!

Σα κρεβάτι͜α, μάνα, κείμαι
και πονώ, και πονώ
και του χρόνου αΐκα ώρας
’κι θα ζω, ’κι θα ζω
Ν’ αηλί εμέν και βάι εμέν!

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αΐκα	τέτοια/ες
ατότε	τότε
άψον	(προστ.) άναψε
γιαβρί	μωρό, μικρό, παιδί	yavru
κείμαι	κείτομαι, ξαπλώνω
’κι	δεν	οὐκί<οὐχί
κλάψον	(προστ.) κλάψε
κρεμόν	γκρεμό
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
παίρ’νε	παίρνουν
ρούζω	πέφτω, ρίπτω
ταφί	τάφο
’φτάω	(ευτάω) κάνω, φτιάχνω	εὐθειάζω
ώρας	ώρες