Σ’ έναν ρωμαίικον μαγαζίν

Προβολή Τραγουδιού

Καλλιτέχνες: Θεόδωρος Νικοδημόπουλος, Φάνης Κουρουκλίδης

Σ’ ένα ρωμαίικον μαγαζίν
μουχαπέτα̤ και γιορτήν
Τρώμε, πίνουμ’ και χορεύουμ’,
τη ψ̌ην εμουν εγλενεύουμ’
Τρώμε, πίνουμ’ και μεθούμε,
ας σκαλώνουμ’ τραγωδούμε

Όλ’ έχ’νε καλόν καρδίαν,
τ’ εμέτερα είν’ παιδία
Ποντιοπούλι͜α μερακλία,
έμορφα τελικανλία
Ποντιοπούλι͜α μερακλία,
παλληκάρι͜α σην καρδίαν

Αγαπούν τα μουχαπέτα̤,
τα χορόντας και τα κέφα̤
Αγαπούν τα μουχαπέτα̤,
χορόντας κι όλα τα γλέντα̤
’Φτάγ’νε όπως κι οι παλαιοί,
χορόντας/μουχαπέτα̤ ως το πρωί

Η λύρα θα κελαηδεί,
καθαείνας τραγωδεί
Η λύρα θα κελαηδεί,
καθαείς θα τραγωδεί
Σεβντάς βάσανα και πόνι͜α,
λαρούνταν τα τέρτι͜α όλα̤
Σεβντάς βάσανα και πόνι͜α,
εβγάλλ’ τα φαρμάκια τ’ όλα̤

Γλωσσάρι

Κείμενο	Επεξήγηση	Ετυμ. Ρίζα
εβγάλλ’	βγάζω/ει
εγλενεύουμ’	ψυχαγωγούμαστε, απασχολούμαστε με κάτι ευχάριστα	eğlenmek
είν’	(για πληθ.) είναι
εμέτερα	δικά μου/μας	ἡμέτερος
έμορφα	όμορφα
εμουν	μας
έχ’νε	έχουνε
καθαείς	καθένας
λαρούνταν	γιατρεύονται, θεραπεύονται
μερακλία	με μεράκι, με ιδιαίτερο ζήλο	meraklı/merāḳ
μουχαπέτα̤	κουβέντες, φιλικές συνομιλίες, συνεκδ. φιλικές συνεστιάσεις (συνήθως μετά μουσικής)	muhabbet/maḥabbet
όλ’	όλοι/α
παιδία	παιδιά
παλαιοί	παλιοί
πόνι͜α	πόνοι
ρωμαίικον	αυτό που είναι των Ρωμιών, ελληνικό
σεβντάς	αγάπης, έρωτα	sevda/sevdā
σκαλώνουμ’	αρχινούμε, ξεκινούμε, εκκινούμε ένα έργο/δουλειά
τέρτι͜α	καημοί, βάσανα, στενοχώριες	dert
τραγωδεί	τραγουδάει
τραγωδούμε	τραγουδάμε
’φτάγ’νε	(ευτάγ'νε) κάνουνε, φτιάχνουνε	εὐθειάζω
χορόντας	(ονομ. τα) χοροί, (αιτ.) χορούς
ψ̌ην	ψυχή