Σο ψαλάφεμαν θα πάμε

Προβολή Τραγουδιού

Καλλιτέχνες: Γιώργος Ατματσίδης, Γιώργος Δημητριάδης

Έναν έμορφον κορτσόπον
τ’ αχουλόπο μ’ έκλεψεν
Άψιμον είχ̌εν σ’ ομμάτι͜α τ’ς,
την καρδία μ’ έκαψεν

Πώς να λέγ’ ατεν ντο θέλω
και σ’ οσπίτ’ να φέρ’ ατεν;
’Ίνεται κουβάρ’ η γλώσσα μ’
μόνον που ελέπ’ ατεν

Μάνα, τ’ όνομαν ατ’ς ξέρω
και ενέσπαλα τ’ εμόν
Σο ψαλάφεμαν να πάμε,
ξάι μη χάνουμε καιρόν

Έναν έμορφον κορτσόπον
σο ποτήρ’ να πίν’ ατο
Για τ’ ατέν και την καρδία μ’
σο χατίρ’ν ατ’ς δίγ’ ατο

Γλωσσάρι

Κείμενο	Επεξήγηση	Ετυμ. Ρίζα
ατέν	αυτήν
ατεν	αυτήν
ατ’ς	αυτής, της
αχουλόπο	μυαλουδάκι	akıl/ʿaḳl
άψιμον	φωτιά
δίγ’	δίνω
ελέπ’	βλέπει/βλέπω
εμόν	δικός/ή/ό μου	ἐμοῦ
έμορφον	όμορφο
ενέσπαλα	ξέχασα
’ίνεται	γίνεται
κορτσόπον	κοριτσάκι
ξάι	καθόλου
ομμάτι͜α	μάτια
οσπίτ’	σπίτι	hospitium<hospes
πίν’	πίνω/ει
φέρ’	φέρνω/ει
χατίρ’ν	χάρη, σεβασμός, υπόληψη	hatır/ḫāṭir