Σην εγκάλια μ’ εκοιμούτον

Προβολή Τραγουδιού

Σην εγκάλι͜α μ’ εκοιμούτον,
[τρυγόνα μ’, τρυγόνα μ’]
τ’ αρνί μ’ επεσ̌κεπάεν
[μα την Παναΐαν λέω!]
Βαθέα αναστέναξεν,
[τρυγόνα μ’, τρυγόνα μ’]
το καρδόπο μ’ εχπάεν
[μα την Παναΐαν λέω!]

Αέτσ’ έν’, γιάβρι μ’ και πουλί μ’,
άμον ντο λέω ποίσον
Το βράδον όντες έρχουμαι/κείσαι κα’
το σπαλερόπο σ’ λύσον

Έρχουμαι, γιάβρι μ’ και πουλί μ’,
έρχουμαι σην εγκάλι͜α σ’
Πουλόπο μ’, χάμαι, λύγουμαι
και με τ’ εσά τα κάλλι͜α

Αέτσ’ έν’, γιάβρι μ’ και πουλί μ’,
άμον ντο λέω ποίσον
Το βράδον όντες κείσαι κα’
το σπαλερόπο σ’ λύσον

Πουλί μ’, τα μάγ’λα σ’ να φιλώ,
[τρυγόνα μ’, τρυγόνα μ’]
τα χ̌είλια σ’ να βουκούμαι
[μα την Παναΐαν λέω!]
Σο νόστιμον τ’ εγκαλόπο σ’
[τρυγόνα μ’, τρυγόνα μ’]
να κείμαι και κοιμούμαι
[μα την Παναΐαν λέω!]

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
άμον	σαν, όπως, καθώς	ἅμα
βαθέα	βαθιά
βουκούμαι	βάζω μπουκιά στο στόμα, μπουκώνω
βράδον	βράδυ
γιάβρι	μωρό, μικρό, παιδί	yavru
εγκάλι͜α	αγκαλιά
εγκαλόπο	αγκαλιά, αγκαλίτσα
εκοιμούτον	κοιμόταν
έν’	είναι
επεσ̌κεπάεν	ξεσκεπάστηκε
έρχουμαι	έρχομαι
εσά	δικά σου/σας
εχπάεν	ξεριζώθηκε, ξεκολλήθηκε, αποκολλήθηκε	ἐκσπάω
κα’	κάτω
κάλλι͜α	κάλλη
καρδόπο	καρδούλα
κείμαι	κείτομαι, ξαπλώνω
κείσαι	κείτεσαι, ξαπλώνεις
κοιμούμαι	κοιμάμαι
λύγουμαι	λιώνω
λύσον	(προστ.) λύσε
μάγ’λα	μάγουλα	magulum
όντες	όταν
ποίσον	(προστ.) κάνε, φτιάξε	ποιέω, ποιῶ
πουλόπο	πουλάκι
σπαλερόπο	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
τρυγόνα	το πουλί τρυγόνι, χαϊδευτική προσφώνηση γυναίκας
χάμαι	χάνομαι, μτφ. πεθαίνω