Ποντιακός Στίχος

Προβολή Τραγουδιού

Κατεβάστε τους στίχους σε PDF

Ρωμαίισσα καλομάνα

Ελαίαν ερίζωσενΕλαίαν ερίζωσεν

Στιχουργοί: Μιχάλης Νικολαΐδης

Συνθέτες: Χρήστος Π. Παπαδόπουλος

Καλλιτέχνες: Κώστας Αγέρης, Μελίνα Ασλανίδου


Ση καλομάνας σο κρεβάτ’
καθέστεν τα πουλία μ’
Η ώρα έν’ να λέω σας
εγώ την ιστορία μ’

Τον πόνον ντο επέρασα
εκράτ’να σην καρδία μ’
Ατά καμίαν ’κ’ είπα τα,
τρομάζ’ και η λαλία μ’

Σον Πόντον εγεννέθα εγώ,
εκεί έν’ η πατρίδα μ’
Έταν τα χρόνι͜α ταραγά,
διωγμούς και πείναν είδα

Έντρισα και εποίκα αγούρ’,
’κ’ εχάν’να την ελπίδα μ’
Περήφανα και ελεύθεροι
να ζούμε σην πατρίδαν

Εμπαίν’ναν νύχταν οι Τουρκάντ’,
εσταύρωναν ποπάδες
Έρθαν και σο χωρίο μου,
’κ’ εγούεψαν μανάδες

Έσπαξαν όλια τα μωρά,
αντρούδες, γεροντάδες
Θάμαν έν’ πως επέζησα
ας σ’ αΐκα γεράδες

Σο αίμαν εφουρκίουμ’νε
Ν’ αηλί το τσ̌ικαρόπο μ’!
Κι εκεί εντούνεν άψυχον
τ’ αγούρι μ’ σ’ εγκαλιόπο μ’

Εβάρκιζα «Γιατί, Θεέ μ’;
Ντ’ εποίκεν το πουλόπο μ’;
Θεέ μ’, εγώ όλτς έχασα!
Έλα, Έπαρ’ το ψ̌όπο μ’»

Την ψ̌η μ’ ας σ’ εδίν’να εγώ
είδα την Παναΐαν
«Εσύ θα ζεις» είπεν «γιαβρί μ’,
έ͜εις σπόρον σην κοιλίαν

Δίδυμα θα τρανύντς εσύ,
ρωμαίικον έ͜εις καρδίαν
Προτού αποθάντς θα ιστορί͜εις
για την γενοκτονίαν»
Γλωσσάρι
ΚείμενοΕπεξήγησηΕτυμ. ΡίζαΠροέλευση
αγούρ’νέοι άνδρες
αγούριαγόρι
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
αΐκατέτοια/ες
αντρούδεςάντρες
αποθάντςπεθάνεις
ας σ’(ας σου) από του, από τότε που/αφότου, (ας σο) από το/τα
ατάαυτά
γεράδεςπληγές, τραύματα yara
γιαβρίμωρό, μικρό, παιδί yavru
έ͜ειςέχεις
εβάρκιζακραύγαζα, θρηνούσα γοερά
εγεννέθαγεννήθηκα
εγκαλιόποαγκαλίτσα
εγούεψανλυπήθηκαν, τσιγκουνεύτηκαν kıymamak
εδίν’ναέδινα, παρέδιδα
εκράτ’νακρατούσα
έν’είναι
εντούνενχτυπούσε
έντρισαπαντρεύτηκα, βρήκα άντρα (για γυναίκα)
έπαρ’(προστ.) πάρε
εποίκαέκανα, έφτιαξα ποιέω-ῶ
εποίκενέκανε, έφτιαξε ποιέω-ῶ
έρθανήρθαν
έσπαξανέσφαξαν
έτανήταν
εφουρκίουμ’νεπνιγόμουν
εχάν’ναέχανα, έδιωχνα
θάμανθαύμα
ιστορί͜ειςεξιστορείς, διηγείσαι
’κ’δεν οὐκί<οὐχί
καλομάναςγιαγιάς
καμίανποτέ
λαλίαλαλιά, φωνή
ν’ αηλίαλίμονο μεσαιων. ελλ. ἀλί<ἀ- + ἠλί (εβραϊκά אל)= θεός
όλιαόλα
όλτςόλους
ποπάδεςπαπάδες
πουλόποπουλάκι
ρωμαίικοναυτό που είναι των Ρωμιών, ελληνικό
ταραγάανάμικτα, ανακατωμένα, μπλεγμένα
τουρκάντ’Τούρκοι
τρανύντςμεγαλώνεις, αναθρέφεις τρανόω-ῶ
τρομάζ’τρέμει
τσ̌ικαρόπο(υποκορ.) σπλάχνο ciğer/ciger
ψ̌ηψυχή
ψ̌όποψυχούλα

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr