Κρέμασον ματοζίνιχον

Κρέμασον ματοζίνιχον,
μικρόν πουλί μ’, απάν’ ι-σ’ [βάι]
Ας -ε- χουλείμαι μετ’ εσέν,
πουλόπο μ’, σο γεργάνι σ’ [βάι]

Σεβντάν, πουλί μ’, κι αρρώστια
εσέβεν ση καρδία μ’ [βάι]
Φίλεμαν δὼμα, μη πονώ,
γλυκύν τυρι͜αννισίαν [βάι]

Ποίο μαξιλάρ’ κοιμί͜ει σε,
ντό όραμα ’γνεφί͜ει σε; [βάι]
Ατσ̌άπα ρού͜εις σην εγκάλα̤ μ’
και το φίλεμα σ’ δί’ς με [βάι]

Ανάσα είσαι ση ζωή μ’,
το φως ι-μ’ ντο ελέπω [βάι]
Το κεφάλι μ’ σο μαξιλάρ’
χωρίς εσέν ’κι θέκω [βάι]