Πατώ και ’κι βολίζω

Προβολή Τραγουδιού

Καλλιτέχνες: Γιάννης Παπαγιαννίδης, Γιώργος Παπαγιαννίδης

Όντες πίνω και μεθώ,
πατώ και ’κι βολίζω
Τ’ αρνόπο μ’ αροθυμώ
κι αχτρατίζω για τ’ ατό

Και για πότε σο φτερόν
κρούω παίρω το τρυγόν’
Αέτσ’ έτονε γραφτόν
να ευτάγ’ ατο τ’ εμόν

Δέκα φοράς σο τενίμ
τ’ αρνόπο μ’ εμέν φιλεί
Η καρδι͜ά μ’ φαρφαταρά̤
και το ψ̌όπο μ’ φέρ’ φτερά

Τ’ έμορφον τ’ αρνίν τ’ εμόν
τερώ και λιγοθυμώ
Κι όντες εβγαίν’ ο φέγγον
τα τερτόπα τ’ς λαρώνω

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
αρνόπο	αρνάκι, χαϊδευτική προσφώνηση γυναίκας
αροθυμώ	νοσταλγώ
αχτρατίζω	ξεστρατίζω, λοξοδρομώ
βολίζω	βουλιάζω, βυθίζομαι
εβγαίν’	βγαίνει
εμόν	δικός/ή/ό μου	ἐμοῦ
έμορφον	όμορφο
έτονε	ήταν
ευτάγ’	κάνω/ει, φτιάχνω/ει	εὐθειάζω
’κι	δεν	οὐκί<οὐχί
κρούω	χτυπώ
λαρώνω	γιατρεύω, θεραπεύω
λιγοθυμώ	λιποθυμάω
όντες	όταν
παίρω	παίρνω
τενίμ	φορά, γύρα, παρτίδα, πήγαινε-έλα	dönüm
τερτόπα	(υποκορ.) καημοί, βάσανα, στενοχώριες	dert
τερώ	κοιτώ
φαρφαταρά̤	(ηχομ. λέξη) πεταρίζει, θροίζει, σκιρτά μτφ. ταράζεται από συγκίνηση	farfara (فرفرة) =ήχος φτερουγίσματος ή θροΐσματος
φέγγον	φεγγάρι
φέρ’	φέρνω/ει
φοράς	φορές
ψ̌όπο	ψυχούλα