Καλοτάξιδοι να είστουν

Προβολή Τραγουδιού

Καλλιτέχνες: Παναγιώτης Ασλανίδης, Τάκης Παπαδόπουλος

Επήγα να παρεβγάλλω
τ’ αδελφόπα μ’ σο σταθμόν
και -ν- έκλαψεν η καρδία μ’
όντες έρθεν το τρένον

Άλλ’ κλαίνε και άλλ’ γελούνε
κι άλλ’ κουράγιο τοι ξέντς δίν’νε
Ν’ αηλί που αποχαιρετίζ’,
το καρδόπον ατ’ ραγ̆ίζ’

Σο τρένον απάν’ εβγαίν’νε,
κλαίνε τ’ ομματόπα, κλαίνε
Αχ! ’κ’ έχ’νε παρηγορίαν,
ας σ’ οσπίτι͜α τουν-ε/οσπιτόπα τουν φεύ’νε

Χωρισμού δα̤κρόπα τρέχ’νε,
πόσα καρδίας πονούν!
Μαντήλι͜α σα παραθύρι͜α
κουνίζ’νε και χαιρετούν

Καλοτάξιδοι να είστουν,
δεβάτεν με το καλό!
Και -ν- εκεί σην ξενιτείαν/Γερμανία
να φυλά͜ει σας ο Θεόν

Γλωσσάρι

Κείμενο	Επεξήγηση	Ετυμ. Ρίζα
αδελφόπα	αδελφάκια
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
απάν’	πάνω
ας σ’	(ας σου) από του, από τότε που/αφότου, (ας σο) από το/τα
δα̤κρόπα	(υποκορ.) δάκρυα
δεβάτεν	(προστ.) πηγαίνετε
δίν’νε	δίνουν
εβγαίν’νε	βγαίνουν
είστουν	είστε
έρθεν	ήρθε
έχ’νε	έχουνε
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
καρδόπον	καρδούλα
κουνίζ’νε	κουνάνε
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξέντς	ξένους
ομματόπα	ματάκια
όντες	όταν
οσπίτι͜α	σπίτια	hospitium<hospes
οσπιτόπα	σπιτάκια	hospitium<hospes
παρηγορίαν	παρηγοριά
τοι	τους/τις
τουν	τους
τρέχ’νε	τρέχουν
φεύ’νε	φεύγουν