Ποντιακός Στίχος

Προβολή Τραγουδιού

Κατεβάστε τους στίχους σε PDF

Θεέ μ’, σώσον τον λαό Σ’

Θεέ μ’, σώσον τον λαό Σ’Θεέ μ’, σώσον τον λαό Σ’

Στιχουργοί: Βασίλης Μωυσιάδης

Συνθέτες: Μπάμπης Κεμανετζίδης

Καλλιτέχνες: Δημήτρης Καρασαββίδης, Μπάμπης Κεμανετζίδης


Θέλω, Χριστέ μ’, να λέγω σε
τον πόνο μ’ να εβγάλω
Εσύ είπες θα έρχ̌εσαι
σον κόσμον μίαν κι άλλο

Οι εφτωχοί αδά ση γην
εσέναν αναμέν’νε
Άμον πουλόπα έρημα
θρουμμούλια αραεύ’νε

Την ευλογίαν στείλον μας
να ησυχάζ’ ο κόσμον
Κι αβούτ’ τη γην γαλήνεψον
κι έπαρ’, Θεέ μ’, τον πόνον

Τ’ ανθρώπ’ς σα δύο εχώρτσανε
πουθέν ση γην χαΐρι͜α
Σ’ έναν μερέαν έν’ χαράν
και σ’ άλλο τα τσ̌ατίνι͜α

Ας σα ψηλά Εσύ -ν- ελέπ’ς
αούτ’ τη γης τα χάλια
Τα δά̤κρυ͜α και τα αίματα
και τη κοσμί’ τ’ εμπάλι͜α

Την ευλογίαν στείλον μας
να ησυχάζ’ ο κόσμον
Κι αβούτ’ τη γην γαλήνεψον
κι έπαρ’, Θεέ μ’, τον πόνον

Τσ̌ιζίν σύρον σα λάθι͜α μουν,
Χριστέ μ’, και σ’ αμαρτίας
Ξαν φέρον μας αδά ση γην
τ’ εσά τα ευλοΐας

Μη φέρτς οργήν και άψιμον,
Θεέ μ’, σ’χώρα τα ψ̌ήα Σ’
Σώσον αούτον το λαό Σ’
και την κληρονομία Σ’

Την ευλογίαν στείλον μας
να ησυχάζ’ ο κόσμον
Κι αβούτ’ τη γην γαλήνεψον
κι έπαρ’, Θεέ μ’, τον πόνον
Γλωσσάρι
ΚείμενοΕπεξήγησηΕτυμ. ΡίζαΠροέλευση
αβούτ’αυτό/ή, αυτοί/ές/ά
αδάεδώ
αμαρτίας(ον.πληθ., τα) αμαρτίες
άμονσαν, όπως, καθώς ἅμα
αναμέν’νεπεριμένουν, αναμένουν
ανθρώπ’ςανθρώπους
αούτ’αυτός/ή/ό/ά
αούτοναυτόν
αραεύ’νεψάχνουν, αναζητούν, γυρεύουν aramak
άψιμονφωτιά
γαλήνεψον(προστ.) γαλήνεψε
εβγάλωβγάλω
ελέπ’ςβλέπεις
εμπάλι͜αμπαλώματα
έν’είναι
έπαρ’(προστ.) πάρε
εσάδικά σου/σας
ευλοΐας(πληθ. τα) ευλογίας, ευλογίες
εφτωχοίφτωχοί
εχώρτσανεχώρισαν, ξεχώρισαν
θρουμμούλιαψίχουλα
κοσμί’κόσμου
λάθι͜αλάθη
μερέανμεριά
μίανμια φορά
μίαν κι άλλοάλλη μια φορά
μουνμας
ξανπάλι, ξανά
πουθένπουθενά
πουλόπαπουλάκια
στείλον(προστ.) στείλε
σύρον(προστ.) σύρε, τράβα, ρίξε
σ’χώρα(προστ.) συγχώρεσε
τσ̌ατίνι͜ασκληρά, δύσκολα çetin
τσ̌ιζίνγραμμή, αράδα çizgi
φέρον(προστ.) φέρε
φέρτςφέρεις, φέρνεις
ψ̌ήαψυχές, η περιοχή του στέρνου, τα εσώψυχα

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15816
Επικοινωνία: infoDUMMY@pontianlyrics.gr