Ποντιακός Στίχος

Προβολή Τραγουδιού

Κατεβάστε τους στίχους σε PDF

Η πατρίδα έν’ λαλία

Η πατρίδα έν’ λαλίαΗ πατρίδα έν’ λαλία

Στιχουργοί: Θανάσης Στυλίδης

Συνθέτες: Μπάμπης Κεμανετζίδης

Καλλιτέχνες: Apolas Lermi, Γιάννης Γκόσιος, Μπάμπης Κεμανετζίδης, Σταύρος Ιωαννίδης


Κάθουμαι πάντα νουνίζω
και τ’ αχουλόπο μ’ τσιμίζω
Ποίον έχ̌’ πολλά αξίαν·
η πατρίδα γιά η καρδία;

Λένε με πως η πατρίδα
είν’ τ’ έμορφα τα ραχ̌ία
Ὰμα ατά ’δέν ’κ’ εγροικούνε
νι͜ά γελούνε, νι͜ά πονούνε

Η πατρίδα έν’ καρδία
κι η καρδία έν’ λαλία
Τα καρδόπα ντο χτυπούνε
όλι͜α κεμεντζ̌έν ακούνε

Τα τσιφίνι͜α και τ’ αλάτι͜α
ευτάν’ το ψ̌όπο μ’ κομμάτι͜α
Τ’ έρημα τα θαλασσάκρι͜α
γομών’νε τ’ ομμάτι͜α μ’ δάκρυ͜α

Ὰμα͜ άμον ατά σον κόσμον
είναι κι άλλα εμορφίας
Την καρδία μ’ χαντυλλι͜άζ’νε
τ’ ανθρωπίων τα λαλίας

Λέγω σε, νε πάσ̌α Γιάννε,
τα ρωμαίικα ’κι αποθάν’νε
Και τ’ ομμάτι͜α ντ’ αγαπούνε
όλι͜α έναν λογ̆ής τερούνε
Γλωσσάρι
ΚείμενοΕπεξήγησηΕτυμ. ΡίζαΠροέλευση
αλάτι͜αέλατα
ὰμααλλά ama/ammā
άμονσαν, όπως, καθώς ἅμα
ανθρωπίωνανθρώπων
αποθάν’νεπεθαίνουν
ατάαυτά
αχουλόπομυαλουδάκι akıl/ʿaḳl
γιάείτε, ή ya/yā
γομών’νεγεμίζουν, μτφ. κομπιάζουν
’δέντίποτα
εγροικούνεκαταλαβαίνουν
είν’(για πληθ.) είναι
έμορφαόμορφα
εμορφίας(πληθ. τα) ομορφιές, (γεν. τη) ομορφιάς
έν’είναι
ευτάν’κάνουν, φτιάχνουν εὐθειάζω
έχ̌’έχει
θαλασσάκρι͜αοι ακροθαλασσιές, τα ακρογιάλια
’κ’δεν οὐκί<οὐχί
καρδόπακαρδούλες
κεμεντζ̌ένλύρα kemençe/kemānçe
’κιδεν οὐκί<οὐχί
λαλίαλαλιά, φωνή
λαλίαςλαλιές, φωνές, (γεν. ενικού) φωνής
νι͜άούτε ne
νουνίζωσκέφτομαι
ομμάτι͜αμάτια
πάσ̌απασά (βαθμός ή τίτλος τιμητικός ανώτατου πολιτικού ή στρατιωτικού επί Οθωμ. Αυτοκρατορίας), (καθομ.) άρχοντα, τιμητική προσφώνηση μεγαλύτερου αδελφού paşa
πολλά(επίθ.) πολλά, (επίρρ.) πολύ
ραχ̌ίαράχες, βουνά
ρωμαίικα(τουρκ. Rumca) η γλώσσα των Ρωμιών, η ποντιακή γλώσσα, αυτά που είναι των Ρωμιών γενικά
τερούνεκοιτούν
τσιμίζωστίβω
τσιφίνι͜ααζαλέες ποντικές (επιστημ.ονομ. Rhododendron luteum) ճփնի (čpʿni)
χαντυλλι͜άζ’νεγαργαλάνε, μτφ. θαμπώνουν
ψ̌όποψυχούλα

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr