Η χαρά

Μουχαπέτ’ ευτάμε
ση νύφεν θα πάμε
Σην αυλήν χορεύ’νε
τα κορτσόπα τα καλά
και με τον κουμπάρον
θα ευτάμε παλαλά

Αγαπώ σε, πουλί μ’,
και -ν- επέρες και τ’ αχούλι μ’
Αν ’κι δί’ σε ο κύρη σ’
και -ν- εγώ θα κλέφτω σε
Τη μάνα σ’ θα λέγ’ α’
και σ’ οσπίτι μ’ παίρω σε

Παίξον και τη λύραν
το γιαβρί μ’ εγώ -ν- επήρα
Παίξον και κλαρίνον
ση χαράν εγώ κι εκείνον
Παίξον, παίξον και τη λύραν
το γιαβρί μ’ εγώ -ν- επήρα
Παίξον και κλαρίνον
Παλαλούμαι και ζαντύνω

Την χαράν θ’ ευτάμε
και σην εκκλησίαν πάμε
Και ση στράταν όλον
μόνον θα χορεύομε
Νέ παράν, νέ λύρας
τιδέν ’κι γουεύομε

Έγκαμε τη νύφεν
κι ο ποπάς εκρύφτεν
Με πολλά τραγούδι͜α,
με ζουρνά και με ταούλ’
Με ρακίν ντο πίν’νε
σο χορόν εμπαίν’νε ούλ’

Παίξον και τη λύραν
το γιαβρί μ’ εγώ -ν- επήρα
Παίξον και κλαρίνον
ση χαράν εγώ κι εκείνον
Παίξον, παίξον και τη λύραν
το γιαβρί μ’ εγώ -ν- επήρα
Παίξον και κλαρίνον
Παλαλούμαι και ζαντύνω

Παίξον και τη λύραν
το γιαβρί μ’ εγώ -ν- επήρα
Παίξον και κλαρίνον
ση χαράν εγώ κι εκείνον
Παίξον, παίξον και τη λύραν
το γιαβρί μ’ εγώ -ν- επήρα
Παίξον και κλαρίνον
Παλαλούμαι και ζαντύνω