Προβολή Τραγουδιού
Έχ̌’ κι έρ’ται νύφεν έμορφος |

Στιχουργοί: Γεώργιος Αλεξανδρίδης
Συνθέτες: Γεώργιος Αλεξανδρίδης
Καλλιτέχνες: Γιώργος Τσιφτελίδης, Μπάμπης Κεμανετζίδης
Έχ̌’ κι έρ’ται νύφε -ν- έμορφος, εμόρφυναν τα στράτας Ανοίξτεν τόπον ας περάν’ και ντώστεν όλ’ τα τσάπας Τένι-τένι, τένι-τένα κανείς ’κ’ έν’ άμον ατένα Τένι-τένι, τένι-τένα, γουρπάν’ ’ίνουμαι σ’ ατένα Η νύφε εσέβεν σον χορόν με το γαμπρόν χορεύει Τερέστεν ση γαμπρού το γιάν’ και ντ’ έμορφα ιεύει Τένι-τένι, τένι-τένα κανείς ’κ’ έν’ άμον ατένα Τένι-τένι, τένι-τένα, γουρπάν’ ’ίνουμαι σ’ ατένα Η νύφε αγγελοπρόσωπος, άμον ήλες φωτάζει Τερεί ατεν και ο γαμπρόν και βίρι͜α αναστενάζει Τένι-τένι, τένι-τένα κανείς ’κ’ έν’ άμον ατένα Τένι-τένι, τένι-τένα, γουρπάν’ ’ίνουμαι σ’ ατένα Να ζει η νύφε κι ο γαμπρόν, να ζουν τα γονικά τουν Να ζουν και όλ’ οι καλεσμέν’ π’ ευρέθανε σουμά τουν Τένι-τένι, τένι-τένα κανείς ’κ’ έν’ άμον ατένα Τένι-τένι, τένι-τένα, γουρπάν’ ’ίνουμαι σ’ ατένα
Κείμενο | Επεξήγηση | Ετυμ. Ρίζα | Προέλευση |
---|---|---|---|
άμον | σαν, όπως, καθώς | ἅμα | |
ανοίξτεν | (προστ.) ανοίξτε | ||
ατεν | αυτήν | ||
ατένα | αυτήν | ||
βίρι͜α | συνεχώς, αδιάκοπα, ασταμάτητα | vira | |
γιάν’ | πλάι, πλευρά | yan | |
γουρπάν’ | θυσία | kurban/ḳurbān | |
έμορφα | όμορφα | ||
έμορφος | όμορφος/η | ||
εμόρφυναν | ομόρφυναν | ||
έν’ | είναι | ||
έρ’ται | έρχεται | ||
εσέβεν | μπήκε | ||
ευρέθανε | βρέθηκαν | ||
έχ̌’ | έχει | ||
έχ̌’ κι έρ’ται | είναι στον ερχομό, έρχεται | ||
ήλες | ήλιος | ||
ιεύει | ταιριάζει | uymak | |
’ίνουμαι | γίνομαι | ||
’κ’ | δεν | οὐκί<οὐχί | |
ντώστεν | (προστ.) χτυπήστε | ||
νύφε | νύφη | ||
όλ’ | όλοι/α | ||
περάν’ | περνάει | ||
σουμά | κοντά | ||
στράτας | (ονομ.) δρόμοι, (αιτ.) δρόμους | ||
τερεί | κοιτάει | ||
τερέστεν | (προστ.) κοιτάξτε | ||
τουν | τους | ||
φωτάζει | φωτίζει, λάμπει |