Τα μουχαπέτι͜α

Προβολή Τραγουδιού

Καλλιτέχνες: Δημήτρης Ξενιτόπουλος, Στάθης Νικολαΐδης

Σο πέραν τη μαχαλάν
μουχαπέτι͜α και χαράν
Κεμεντζ̌έδες κελαηδούν
τα ταούλια κρού’ν και κρού’ν

Φαγοπότ’ μ’ έναν ευχ̌ήν,
υείαν και καλόν ζωήν
Το κακό σ’ εμάς μ’ ευτάν’
κι ο Χάρον ας αποθάν’

Τραγωδι͜άνοι τραγωδούν’,
χορευτι͜άν’ χ̌έρι͜α κρατούν
Σην καϊτέν χοροπηδούν
άν’ αράζ’νε κι αφκά κρού’ν

Φαγοπότ’ μ’ έναν ευχ̌ήν,
υείαν και καλόν ζωήν
Το κακό σ’ εμάς μ’ ευτάν’
κι ο Χάρον ας αποθάν’

Σ̌ισ̌έδες με το ρακίν
μεζεκλίκια έναν σουρίν
Ευτάγ’νε με την ποτήν
το καρδόπον κεϊφλίν

Φαγοπότ’ μ’ έναν ευχ̌ήν,
υείαν και καλόν ζωήν
Το κακό σ’ εμάς μ’ ευτάν’
κι ο Χάρον ας αποθάν’

Γλωσσάρι

Κείμενο	Επεξήγηση	Ετυμ. Ρίζα
άν’	άνω, πάνω, άνωθεν
αποθάν’	πεθαίνει
αράζ’νε	πηδούν με ορμή	ἀράσσω
αφκά	κάτω
ευτάγ’νε	κάνουν, φτιάχνουν	εὐθειάζω
ευτάν’	κάνουν, φτιάχνουν	εὐθειάζω
καϊτέν	μελωδία, μουσική σύνθεση, μουσικός σκοπός	kayde
καρδόπον	καρδούλα
κεϊφλίν	κεφάτο/η, ευδιάθετο/η	keyifli<keyif/keyf
κεμεντζ̌έδες	λύρες	kemençe/kemānçe
κρού’ν	χτυπούν	κρούω
μαχαλάν	γειτονιά	mahalle/maḥalle
μουχαπέτι͜α	κουβέντες, φιλικές συνομιλίες, συνεκδ. φιλικές συνεστιάσεις (συνήθως μετά μουσικής)	muhabbet/maḥabbet
ποτήν	κάθε οινοπνευματώδες ποτό, πιοτί
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σ̌ισ̌έδες	μπουκάλια	şişe/şīşe
σουρίν	κοπάδι, σωρός από πράγματα	sürü
υείαν	υγεία
χορευτι͜άν’	χορευτές

Σημειώσεις

Φωνητικά : Ανθή Νικολαΐδη