Προβολή Τραγουδιού
Ειρήνη |
Ο σταυραετόνΣτιχουργοί: Νάκος Ευσταθιάδης
Συνθέτες: Θόδωρος Παυλίδης
Καλλιτέχνες: Θόδωρος Παυλίδης
Η ιδέα της ειρήνης, αυτού του τραγουδιού, είναι δική μου αλλά...ίσως δεν είμαι ο κατάλληλος της πένας για να κάτσω να γράψω τέτοιο τραγούδι. Απλά το είπα τον Νάκο τον Ευσταθιάδη, τόσοι πόλεμοι γίνονται, ένα τραγούδι ποντιακό δεν έχουμε να υμνεί την ειρήνη. Σήμερα του το ’πα, την άλλη μέρα το πρωί μου ήρθε με το τραγούδι. Και σε πέντε-δέκα λεπτά μου γεννήθηκε η μουσική. Έτσι πολύ ξαφνικά... ♫ Την γην να γυροκλώσ̌κεσαι θ’ ελέπ’ς λιμούς και πείναν Μωρά ντο κείνταν άρρωστα κι ας έχ’νε άλλ’ το κρίμαν Ειρήνη άσπρον περιστέρ’ οι λαοί τ’ αγαπούνε Ειρήνη όταν βασιλεύ’ οι ανθρώπ’ ’κι πονούνε Οι πόλεμοι ’κι σταματούν κρατούνε με τα χρόνι͜α κι οπίσ’ αφήν’νε ορφανά με δά̤κρυ͜α και με πόνι͜α Ειρήνη άσπρον περιστέρ’ οι λαοί τ’ αγαπούνε Ειρήνη όταν βασιλεύ’ οι ανθρώπ’ ’κι πονούνε Θεέ μ’, ποίσον τα όπλα τουν περιστερί’ φωλέας και ας κρατούν σα χ̌έρι͜α τουν έναν κλαδίν ελαίας Ειρήνη άσπρον περιστέρ’ οι λαοί τ’ αγαπούνε Ειρήνη όταν βασιλεύ’ οι ανθρώπ’ ’κι πονούνε Ειρήνη άσπρον περιστέρ’ οι λαοί τ’ αγαπούνε Ειρήνη όταν βασιλεύ’ οι ανθρώπ’ ’κι πονούνε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανθρώπ’ | άνθρωποι | ||
| αφήν’νε | αφήνουν | ||
| γυροκλώσ̌κεσαι | κλωθογυρίζεις | ||
| ελαίας | (τα) ελιές, (τη) ελιάς | ||
| ελέπ’ς | βλέπεις | ||
| έχ’νε | έχουνε | ||
| ιδέα | μορφή, όψη, θωριά | ||
| κείνταν | κείτονται, ξαπλώνουν | ||
| ’κι | δεν | οὐκί<οὐχί | |
| κρατούν | κρατάνε στο χέρι, βαστάνε, αντέχουν, συγκρατούν, διαρκούν | ||
| οπίσ’ | πίσω | ||
| περιστερί’ | περιστεριού | ||
| ποίσον | (προστ.) κάνε, φτιάξε | ποιέω, ποιῶ | |
| πόνι͜α | πόνοι | ||
| τουν | τους | ||
| φωλέας | (ονομ.πληθ.) φωλιές, (γεν. ενικού) φωλιάς |
