Προβολή Τραγουδιού
Ομμάτι͜α άμον το κορτσόπο μ’
Η μάναΣτιχουργοί: Πόλυς Παυλίδης
Συνθέτες: Πόλυς Παυλίδης
Καλλιτέχνες: Πόλυς Παυλίδης, Σάββας Ζαπουνίδης
Ομμάτι͜α άμον το κορτσόπο μ’ ας σον κόσμον καν’νάς ’κ’ είχ̌εν Ο Θεόν πώς ’κ’ ελυπέθε με κι ας σο γιάνι μ’ πώς επήρεν! Όπου δα̤κρόπα έσταξα τα χορτάρι͜α εμαράθαν Τ’ όνειρα¹ ντ’ είχα για τ’ εσέν σ’ έναν ώρα πώς εχάθαν! Χάρε, επέρες το μικρόν τ’ αρνί μ’, έλα έπαρ’ και το ψ̌όπο μ’ Ας ση μαχ̌αιρέα σ’ ’κ’ επέμ’νεν άλλο αίμαν σο καρδόπο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ||
| γιάνι | πλάι, πλευρό | yan | |
| δα̤κρόπα | δάκρυα (υποκορ.) | ||
| ελυπέθε | λυπήθηκε | ||
| εμαράθαν | μαράθηκαν | ||
| έπαρ’ | πάρε (προστ.) | ||
| επέμ’νεν | απόμεινε | ||
| επέρες | πήρες | ||
| εχάθαν | χάθηκαν | ||
| ’κ’ | δεν | ουκί<οὐχί | |
| καν’νάς | κανένας, καμία | ||
| καρδόπο | καρδούλα | ||
| κορτσόπο | κοριτσάκι | ||
| ομμάτι͜α | μάτια | ||
| ψ̌όπο | ψυχούλα |
¹ Ορθότερη η χρήση του «ονέρ’τα» στην ποντιακή.