Προβολή Τραγουδιού

Ψ̌η μ’, ση στράταν τη ζωής

Καλλιτέχνες: Δημήτρης Ξενιτόπουλος, Στάθης Παυλίδης

Ψ̌η μ’, ση στράταν τη ζωής
οι δύ’ μουν ευρέθαμε
Εις για τον άλλον εμείς,
καρδι͜ά μ’, εγεννέθαμε

Άγγελος τη Θεού
έρθες ας σον ουρανόν
Τ’ όρωμα μ’ έντον αληθινόν

Σην καρδι͜ά μ’ το γεραλίν
συ έγκες τη γιατρειάν
Άμον τσ̌ιτσ̌έκ’ άνθισες
συ σ’ άσπρον το χ̌ι͜όν’ απάν’

Τ’ ομμάτι͜α σ’ τ’ έμορφα
να τερώ γουεύ’ ατα
ση καν’νάν ’κ’ ινιανεύ’ ατα

Τα χαράντας τη ζωής
όλια εγαζάνεψα
Την καρδι͜ά μ’ ντ’ εδέκα σε
ξάι πα ’κ’ επουσ̌μάνεψα

Ανάσμα μ’ και ζωή μ’,
λύουμαι άμον κερίν
με το τέρεμα σ’ αχπάντς τη ψ̌η μ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
ανάσμα	ανάσα, αναπνοή
απάν’	πάνω
αχπάντς	ξεριζώνεις, ξεκολλάς, αποκολλάς βιαίως
γεραλίν	πληγωμένο, τραυματισμένο	yaralı
γουεύ’	λυπάμαι/ται, φείδομαι/εται, τσιγκουνεύομαι/εται, θυσιάζω/ει	kıymak
εγαζάνεψα	κέρδισα, απόκτησα πλούτο	kazanmak
εγεννέθαμε	γεννηθήκαμε
έγκες	έφερες
εδέκα	έδωσα
έμορφα	όμορφα
έντον	έγινε
επουσ̌μάνεψα	μετάνιωσα	pişman olmak<paşmān
έρθες	ήρθες
ευρέθαμε	βρεθήκαμε
ινιανεύ’	πιστεύω/ει, εμπιστεύομαι/εται	inanmak
’κ’	δεν	ουκί<οὐχί
καν’νάν	κανέναν
λύουμαι	λιώνω
μουν	μας
ξάι	καθόλου
ομμάτι͜α	μάτια
όρωμα	όνειρο
πα	πάλι, επίσης
τέρεμα	βλέμμα
τερώ	κοιτώ
τσ̌ιτσ̌έκ’	λουλούδι	çiçek
χαράντας	χαρές, γάμοι
ψ̌η	ψυχή