Ξεριζωμός

Εξεριζώθαμε ας σον Πόντον
εμείς ούλ’ μαζί
Κι εχπάσταμ’ για την Ελλάδαν,
για άλλο ζωήν

Με την ψ̌ην εμουν εχπάσταμ’,
μόνον με την ψ̌ην
Ούλι͜α τ’ άλλα πάνε, εχάθαν
σην ανταλλαγήν

Τα παπόρι͜α εχπάσταν, σ̌υρίζ’νε
Σην Ελλάδαν πάνε, κουίζ’νε

Άλλ’ επέθαναν σα στράτας
κι απέσ’ σο γιαζίν
Κι άλλ’ ντ’ επέμ’ναν ’κ’ ελαρώθαν,
ένταν ημ’σόν ψ̌ην

Ούλ’ κλαίνε, μοιρολογούνε
σην ταραμονήν
Και χάν’ το παιδίν την μάναν,
η μάνα το παιδίν

Τα παπόρι͜α εχπάσταν, σ̌υρίζ’νε
Σην Ελλάδαν πάνε, κουίζ’νε

Ας σ’ εκείντς, ν’ αϊλί, π’ εχπάσταν
έρθαν οι ημ’σοί
Ούλι͜α τ’ αδέλφι͜α εχάθαν
σην καταστροφήν

Έζησαμε, εδούλεψαμε
ούλ’ αδά κι ακεί
Άμαν πάντα για τον Πόντον,
πάντα κλαίει η ψ̌η

Τα παπόρι͜α εχπάσταν, σ̌υρίζ’νε
Σην Ελλάδαν πάνε, κουίζ’νε