Τ’ ομμάτια σ’ κρασοστάφυλλα

Προβολή Τραγουδιού

Καλλιτέχνες: Γιώργος Ατματσίδης, Δημήτρης Καρασαββίδης

Τ’ ομμάτι͜α σ’ κρασοστάφυλλα,
τα δά̤κρυ͜α σ’ σταλαγμίτας
Ευτάνε το καρδόπο μου
φτιλίζ’ τα μαργαρίτας

Κι εγώ νεστείαν θα κρατώ
και ’κι θα μαντζιρίζω
Με του ματί’ σ’ τα δα̤κρόπα,
αρνί μ’, θα κοινωνίζω

’Κχ̌ύσον, αρνόπο μ’, για τ’ εμέν
τσ’ εγάπ’ς το δά̤κρυν μίαν
Μη σύρ’ η καρδι͜ά μ’ τη σεβντάς
την παραγρανεμίαν

Κι εγώ νεστείαν θα κρατώ
και ’κι θα μαντζιρίζω
Με του ματί’ σ’ τα δα̤κρόπα,
αρνί μ’, θα κοινωνίζω

Με το λετσ̌έκ’ τ’ ομμάτι͜α σου
σπόγγ’σον για το χατίρι μ’
και τσούμπ’σον ατο σαν υλίζ’
σ’ άγιο-δισκοποτήρι

Κι εγώ νεστείαν θα κρατώ
και ’κι θα μαντζιρίζω
Με του ματί’ σ’ τα δα̤κρόπα,
αρνί μ’, θα κοινωνίζω

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
δα̤κρόπα	(υποκορ.) δάκρυα
εγάπ’ς	αγάπης
ευτάνε	κάνουν, φτιάχνουν	εὐθειάζω
καρδόπο	καρδούλα
’κι	δεν	οὐκί<οὐχί
’κχ̌ύσον	(προστ.) έκχυσε, χύσε, έκβαλε	εκχύνω<ἐγχέω< ἐν + χέω
λετσ̌έκ’	γυναικείο μαντίλι που χρησίμευε ως κάλυμμα κεφαλής δεμένο σε σχήμα τριγώνου	leçek<laçak
μαντζιρίζω	καταλύω τη νηστεία
ματί’	ματιού
μίαν	μια φορά
νεστείαν	νηστεία
ομμάτι͜α	μάτια
παραγρανεμίαν	υπερβολικά δυνατός άνεμος
σεβντάς	αγάπης, έρωτα	sevda/sevdā
σπόγγ’σον	(προστ.) σκούπισε
σταλαγμίτας	σταγόνες, σταλαγματιές
σύρ’	σύρω/ει, τραβάω/ει, ρίχνω/ει
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
τσούμπ’σον	(προστ.) συμπίεσε
υλίζ’	στραγγίζω/ει, διυλίζω/ει, καταστάζω/ει	ὑλίζω
φτιλίζ’	μαδάω/άει	πτίλον
χατίρι	χάρη, σεβασμός, υπόληψη	hatır/ḫāṭir