Προβολή Τραγουδιού
«Αχ!» ευτάω για τ’ εσένα |
Ποντιακό γλέντιΣτιχουργοί: Χρύσανθος Θεοδωρίδης
Συνθέτες: Χρύσανθος Θεοδωρίδης
Καλλιτέχνες: Γιάννης Κουρτίδης, Μιχάλης Καλιοντζίδης
[Ωχ! Και] Τα μαλλόπα σ’ πεντάπλεχτα απέσ’ σην καρδι͜ά μ’ κείνταν Αρνί μ’, να καταρούμαι ατα ζευγάρι͜α οφίδι͜α ’ίν’νταν «Αχ!» ευτάω για τ’ εσένα το «βάι» έν’ μετ’ εμένα και για τ’ εσέν, πουλόπο μ’ πονεί -άι!- το καρδόπο μ’ [Ωχ!] και για τ’ εσέν, πουλόπο μ’ πονεί το τσ̌ικαρόπο μ’ [Ωχ! Και -ν-] Εσύ τη Θεού το λουλούδ’ ντ’ έπαθες κι εμαρέθες Θεού χαρά σίτ’ έστεκες άλλο ’κ’ εκαλατσ̌εύτες «Αχ!» ευτάω για τ’ εσένα το «βάι» έν’ μετ’ εμένα και για τ’ εσέν, πουλόπο μ’ πονεί -άι!- το καρδόπο μ’ [Ωχ!] και για τ’ εσέν, πουλόπο μ’ πονεί το τσ̌ικαρόπο μ’ [Εχ! Και] Πουλόπο μ’, είσαι έμορφον ο πρόσωπο σ’ φεγγάρι ’φιέρωσον το πόι σου σ’ εμέν το παλληκάρι «Αχ!» ευτάω για τ’ εσένα το «βάι» έν’ μετ’ εμένα και για τ’ εσέν, πουλόπο μ’ πονεί -άι!- το καρδόπο μ’ [Ωχ!] και για τ’ εσέν, πουλόπο μ’ πονεί το τσ̌ικαρόπο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| ατα | αυτά | ||
| εκαλατσ̌εύτες | μιλήθηκες | keleci=καλός λόγος (Παλαιά Τουρκική Ανατολίας) | |
| εμαρέθες | μαράθηκες | ||
| έμορφον | όμορφο | ||
| έν’ | είναι | ||
| ευτάω | κάνω, φτιάχνω | εὐθειάζω | |
| ’ίν’νταν | γίνονται | ||
| ’κ’ | δεν | οὐκί<οὐχί | |
| καρδόπο | καρδούλα | ||
| καταρούμαι | καταριέμαι | ||
| κείνταν | κείτονται, ξαπλώνουν | ||
| μαλλόπα | μαλλάκια | ||
| μετ’ | μαζί με (με αιτιατική), με (τρόπος) | ||
| οφίδι͜α | φίδια | ||
| πόι | ύψος, μπόι | boy | |
| πουλόπο | πουλάκι | ||
| σίτ’ | καθώς, ενώ | σόταν<εις όταν | |
| τσ̌ικαρόπο | (υποκορ.) σπλάχνο | ciğer/ciger | |
| ’φιέρωσον | (αφιέρωσον) (προστ.) αφιέρωσε |
