Προβολή Τραγουδιού

Η σεβντά τρανόν πελιάν

Καλλιτέχνες: Ελένη Σαμανίδου, Φάνης Κουρουκλίδης

Η σεβντά τρανόν πελιάν
’κ’ έχω σε αδά σο γιάν’
Ας ση μαχαλά σ’ δα̤βαίνω
και τ’ ομμάτι͜α σ’ αραεύω

Αν εμέναν αγαπάς
ποίσον κάτ’! Γιατί ’κ’ ευτάς;
Ας ση μαχαλά σ’ δα̤βαίνω
και τ’ ομμάτι͜α σ’ αραεύω

Τέρτι͜α και πολλά καημούς
σύρω εγώ ’κι κρούει σο νου σ’
Ας ση μαχαλά σ’ δα̤βαίνω
δος με φίλεμαν κι ας φεύω

Αν εμέναν αγαπάς
ποίσον κάτ’! Γιατί ’κ’ ευτάς;
Ας ση μαχαλά σ’ δα̤βαίνω
και τ’ ομμάτι͜α σ’ αραεύω

Θεέ μ’, τερώ τον ουρανόν
και -ν- ευτάγω τον σταυρό μ’
Ποίσον, Θεέ μ’, για τ’ εμέν θάμαν
μετ’ ατόν να ζω εντάμαν

Αν εμέναν αγαπάς
ποίσον κάτ’! Γιατί ’κ’ ευτάς;
Ας ση μαχαλά σ’ δα̤βαίνω
και τ’ ομμάτι͜α σ’ αραεύω

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αραεύω	ψάχνω, αναζητώ, γυρεύω	aramak
γιάν’	πλάι, πλευρά	yan
δα̤βαίνω	(για τόπο) περνώ, διασχίζω, (για χρόνο) περνώ (γενικότερα) περνώ, παύω, τελειώνω	διαβαίνω
δος	δώσε
εντάμαν	μαζί
ευτάγω	κάνω, φτιάχνω	εὐθειάζω
ευτάς	κάνεις, φτιάχνεις	εὐθειάζω
θάμαν	θαύμα
’κ’	δεν	ουκί<οὐχί
’κι	δεν	ουκί<οὐχί
κρούει	χτυπάει
μαχαλά	γειτονιά	mahalle/maḥalle
μετ’	μαζί με (με αιτιατική), με (τρόπος)
ομμάτι͜α	μάτια
πελιάν	βάσανο, σκοτούρα	bela
ποίσον	κάνε, φτιάξε (προστ.)	ποιέω, ποιῶ
πολλά	πολλά (επίθ.), πολύ (επίρ.)
σεβντά	αγάπη, έρωτας	sevda/sevdā
σύρω	σέρνω, τραβώ, ρίχνω
τέρτι͜α	καημοί, βάσανα, στενοχώριες	dert
τερώ	κοιτώ
φεύω	φεύγω
φίλεμαν	φιλί