Τρώει σας, πουτσία, ο Μήτον

Προβολή Τραγουδιού

Καλλιτέχνες: Γιάννης Παπαγερίδης, Παναγιώτης Ασλανίδης

Έρθεν και -ν- ας την/σην Άγουρσαν¹
παλληκάρ’, τραγωδι͜άνος
Εκόνεψεν σο Σεραλάρ²
τελικανλής τσ̌οπάνος

Όι, όι, όι! Τρώει σας, πουτσία, ο Μήτον! [νέι]

Ση Κερεμί-Τεπέ³ απάν’
και χάταλον εκάτσα
Ο Μήτον έλεεν μακρύν,
τα ραχ̌ι͜ά εγονάτ’σαν

Όι, όι, όι! Τρώει σας, πουτσία, ο Μήτον! [νέι]

Μεράκ’, Μήτο κι ορφανία
τ’ εσά τα τραγωδίας
Σο μουχαπέτ’, ζιλ και γλυκύν
εβγαίν’νεν η λαλία σ’

Όι, όι, όι! Τρώει σας, πουτσία, ο Μήτον! [νέι]

Ντ’ εποίν’νεν και -ν- ο κύρ’ς ατουν
οι Απατσ̌άντ’⁴ ευτάνε
Τ’ αυλάκ’ απέσ’ σο μουχαπέτ’
σ̌κίζ’νε κι άκραν εβγάλλ’νε

Όι, όι, όι! Τρώει σας, πουτσία, ο Μήτον! [νέι]

Και τραγωδι͜άνον έχ’νε με,
έχ’νε με και παιγνέτεν
Έρθα τελένω τ’ αποσκάλ’
ο πάππο μ’ ντο εφέκεν

Όι, όι, όι! Τρώει σας, πουτσία, ο Μήτον! [νέι]

Γλωσσάρι

Κείμενο	Επεξήγηση	Ετυμ. Ρίζα
άκραν	άκρη, αρχή
απάν’	πάνω
απέσ’	μέσα
αποσκάλ’	ημιτελές, ατελές, δουλειά που έχει μείνει στη μέση
ατουν	τους
γλυκύν	γλυκιά/ό
εβγαίν’νεν	έβγαινε
εβγάλλ’νε	βγάζουν
εγονάτ’σαν	γονάτισαν
εκάτσα	κάθισα
εκόνεψεν	εγκαταστάθηκε, φώλιασε, προσγειώθηκε	konmak
έλεεν	έλεγε
εποίν’νεν	έκανε, έφτιαχνε	ποιέω-ῶ
έρθα	ήρθα
έρθεν	ήρθε
εσά	δικά σου/σας
ευτάνε	κάνουν, φτιάχνουν	εὐθειάζω
εφέκεν	άφησε
έχ’νε	έχουνε
ζιλ	οι ψιλά κουρδισμένες χορδές της λύρας, το οξύφωνα κουρδισμένο όργανο	zil
κύρ’ς	κύρης, πατέρας
λαλία	λαλιά, φωνή
μεράκ’	μεράκι, καημός	merak/merāḳ
μουχαπέτ’	κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής)	muhabbet/maḥabbet
παιγνέτεν	οργανοπαίκτη
πουτσία	νεαρά κορίτσια
ραχ̌ι͜ά	ράχες, βουνά
σ̌κίζ’νε	σκίζουν
τελένω	(μεταβ.) τελειώνω κτ
τελικανλής	νέος, λεβέντης	delikanlı
τεπέ	κορυφή	tepe
τραγωδι͜άνον	τραγουδιστής
τραγωδι͜άνος	τραγουδιστής
τραγωδίας	τραγούδια
χάταλον	μωρό, παιδί	ἀταλός

Σημειώσεις

¹ (σημ. Bakımlı) χωριό της περιοχής Ματσούκας του Πόντου
² Παλιά ονομασία του χωριού Αλωνάκια Κοζάνης
³ Λόφος και σημερινή λατομική περιοχή των Αλωνακίων Κοζάνης
⁴ Οι του γένους Απατσίδη