Προβολή Τραγουδιού
Τα μέρι͜α μ’ αφουκρούντανε |
Σύλλογος Ποντίων Ασπροπύργου «Ακρίτες»Στιχουργοί: Κώστας Αμανατίδης
Συνθέτες: Γιώργος Ατματσίδης
Καλλιτέχνες: Αλέξανδρος Παρχαρίδης, Γιώργος Ατματσίδης
Αροθυμία τρώει την ψ̌η μ’ σύρ’τεν τα κεμεντζ̌έδες Τα μέρι͜α μ’ αφουκρούντανε κι ανθίζ’νε άμον παχτσ̌έδες Για δώστε με ρακόποτον να πίνω ας σα σ̌ισ̌έδες Να ταξιδεύω άμον πουλίν ση Μάτσ̌κας τα καϊτέδες Να σ̌ασ̌ιρεύω ας σο γαβάλ’, μεθύζω ας σο τουλούμι Να παίρ’ το καρδοπόνεμα μ’ τη θάλασσας το γούμιν Αφήστεν να χ̌ελιδονίζ’ η κεμεντζ̌έ σο ψ̌όπο μ’ Κι αν αποθάνω ας ση χαράν μη κλαίτε σο ταφόπο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| ανθίζ’νε | ανθίζουν | ||
| αποθάνω | πεθαίνω | ||
| αροθυμία | νοσταλγία | ||
| αφουκρούντανε | αφουγκράζονται | ||
| γαβάλ’ | φλογέρα | kaval/ḳawwāl | |
| γούμιν | άμμος | kum | |
| καϊτέδες | μελωδίες, μουσικές συνθέσεις, μουσικοί σκοποί | kayde | |
| καρδοπόνεμα | πόνος της καρδιάς | ||
| κεμεντζ̌έ | λύρα | kemençe/kemānçe | |
| κεμεντζ̌έδες | λύρες | kemençe/kemānçe | |
| Μάτσ̌κας | Ματσούκας | ||
| μεθύζω | μεθάω | ||
| μέρι͜α | μέρη | ||
| παίρ’ | παίρνω/ει | ||
| παχτσ̌έδες | κήποι, περιβόλια | bahçe/bāġçe | |
| ρακόποτον | αυτός που πίνει πολύ ρακί | ||
| σ̌ασ̌ιρεύω | σαστίζω, τα έχω χαμένα | şaşırmak | |
| σ̌ισ̌έδες | μπουκάλια | şişe/şīşe | |
| σύρ’τεν | (προστ.) σύρετε, τραβήξτε, ρίξτε | ||
| ταφόπο | (υποκορ.) τάφος | ||
| χ̌ελιδονίζ’ | κελαηδεί σαν χελιδόνι | ||
| ψ̌η | ψυχή | ||
| ψ̌όπο | ψυχούλα |
