Προβολή Τραγουδιού
Ο Κούντουρον
Σύλλογος Ποντίων Ασπροπύργου «Ακρίτες»Στιχουργοί: Κώστας Αμανατίδης
Συνθέτες: Γιώργος Ατματσίδης
Καλλιτέχνες: Γιώργος Ατματσίδης, Στάθης Νικολαΐδης
Ο Κούντουρον πυκνοχ̌ι͜ονίζ’ σο γιάνι σ’ εχουλέθα Τρυγόνα / Τρυγόνι μ’, σ’ εγκαλιόπο σου έρθα κι επεκοιμέθα Η καρδία μ’ να λαρούται έ͜εις εσύ το γιατρικόν Σο εγκαλιόπο σ’, πουλόπο μ’, έπαρ’ με ους να μερών’ Ετσάμωσα τ’ ομματόπα μ’ γλυκέα ορωματι͜άζω Πριχού τελείται ο χ̌ειμωγκόν μετ’ εσέν θ’ ανοιξ̌ι͜άζω Η καρδία μ’ να λαρούται έ͜εις εσύ το γιατρικόν Σο εγκαλιόπο σ’, πουλόπο μ’, έπαρ’ με ους να μερών’ Σα κανακέματα σ’, αρνί μ’, σ’ ωμία σ’ γιασλαεύω Σα χ̌έρι͜α σ’ επεπέρνιξα κι απέσ’ καντηλι͜αεύω Η καρδία μ’ να λαρούται έ͜εις εσύ το γιατρικόν Σο εγκαλιόπο σ’, πουλόπο μ’, έπαρ’ με ους να μερών’ Πολλά εχαρεντέρτσες με, θαρρώ εβουρουλεύτα Εκαρδοκάγα ας ση σεβτά σ’ κι ας σην εγάπ’ σ’ ερέχτα Η καρδία μ’ να λαρούται έ͜εις εσύ το γιατρικόν Κανακέματα ας σα χ̌έρι͜α σ’ χάρτσον με ους να μερών’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανοιξ̌ι͜άζω | διανύω την άνοιξη | ||
| απέσ’ | μέσα | ||
| γιάνι | πλάι, πλευρό | yan | |
| γιασλαεύω | ακουμπώ πάνω, γέρνω πάνω σε κτ, στηρίζομαι | yaslamak | |
| γλυκέα | (επιρρ.) γλυκά | ||
| έ͜εις | έχεις | ||
| εβουρουλεύτα | ερωτεύθηκα | vurulmak | |
| εγάπ’ | αγάπη | ||
| εγκαλιόπο | αγκαλίτσα | ||
| εκαρδοκάγα | κάηκε η καρδιά μου, δίψασα υπερβολικά | ||
| έπαρ’ | πάρε (προστ.) | ||
| επεκοιμέθα | αποκοιμήθηκα | ||
| επεπέρνιξα | σηκώθηκα πολύ πρωί, σηκώθηκα από ύπνο | ||
| ερέχτα | αρέστηκα, βρήκα της αρεσκείας μου | ||
| έρθα | ήρθα | ||
| ετσάμωσα | έκλεισα/σφάλισα τα μάτια μου | ||
| εχαρεντέρτσες | χαροποίησες, έδωσες χαρά | ||
| εχουλέθα | ζεστάθηκα | ||
| καντηλι͜αεύω | φεγγοβολώ και ζεσταίνω πολύ, αιθριάζω | ||
| Κούντουρον | ο μήνας Φεβρουάριος | ||
| λαρούται | γιατρεύεται, θεραπεύεσαι | ||
| μερών’ | μερώνει, ξημερώνει | ||
| μετ’ | μαζί με (με αιτιατική), με (τρόπος) | ||
| ομματόπα | ματάκια | ||
| ορωματι͜άζω | βλέπω όνειρα | ||
| ους | ως, μέχρι | ||
| πολλά | πολλά (επίθ.), πολύ (επίρ.) | ||
| πουλόπο | πουλάκι | ||
| πριχού | προτού | ||
| σεβτά | αγάπη, έρωτας | sevda/sevdā | |
| τελείται | (αμτβ.) τελειώνει, εξαντλείται, μτφ. πεθαίνει | ||
| τρυγόνα | το πουλί τρυγόνι, χαϊδευτική προσφώνηση γυναίκας | ||
| τρυγόνι | το πουλί τρυγόνι, χαϊδευτική προσφώνηση γυναίκας | ||
| χ̌ειμωγκόν | (ονομ.) χειμώνας, (γεν.) χειμώνα | ||
| χάρτσον | χάρισε (προστ.) | ||
| ωμία | ώμοι |