Ν’ αϊλί που ξενιτεύκεται

Ν’ αϊλί που ξενιτεύκεται,
ν’ αϊλί που ξενιτεύει [γιαρ]
Ατός ντο θα σύρ’, μουατσ̌ουρλούκ’
να έν’ ραχ̌ίν τσ̌οκεύει [γιαρ]

Ν’ αϊλί που ξενιτεύκεται
μακρά ατός ας σον κύρ’ν ατ’ [γιαρ]
Ν’ αϊλί τη μαυρομάναν ατ’
σον κόσμον ’κ’ έχ̌’ άλλ’ είναν [γιαρ]

Ν’ αϊλί, ν’ αϊλί και βάι ν’ αϊλί,
ν’ αϊλί εμέν τον ξένον [γιαρ]
Άμον εκείνον το πουλίν
το παραπονεμένον [γιαρ]

Πόσον θα σιρινεύκεται
ατσ̌ά ξενιτεμένον; [γιαρ]
Γιά θ’ αποθάν’ και θα γλυτών’
περισ̌άν’ το καημένον; [γιαρ]